پرس بادینی
بریاربو ئەڤرۆ ئێک شەمبی، شاندەکێ حکومەتا هەرێما کوردستانێ ب سەروکایەتیا، قوباد تاڵەبانی جێگرێ سەرۆک وەزیرێن هەرێمێ ژبوی دانوستاندنان دەبارەی ئاریشەیێن هەرێم و عیراقێ سەرەدانا بەغدایێ بکەتن، بەلێ سەرەدان هاتە پاشخستن.
دەربارەی وێ یەکێ سەمیر هەورامی گوتەبێژێ جیگرێ سەرۆک وەزیرێن هەرێما کوردستانێ ڕاگەهاند "بریارە ناڤەراستا ڤێ حەفتیێ شاندا بلندا حکومەتا هەرێما کوردستانێ سەرەدانا بەغدایێ بکەت ژبوی تەمامکرنا گوتوبێژێن بەریا نها و جێگرکرنا شایستەیێن دارای یێن هەرێما کوردستانێ د پروژە یاسایا بوودجەیا ٢٠٢١ێ یا عیراقێ دا.
ل گۆڕەی زانیاریان ئارمانجا سەرەدانا شاندێ حکومەتا هەرێما کوردستانێ ژبوی گوتوبێژان لسەر پرسا نەفت و بوودجەی، شایستەیێن دارای یێن هەرێمێ ب سەدەما ئاریشەیەکا تەکنیکی، ئەڤ سەرەدانە ژبوی ناڤەراستا ڤێ حەفتیێ هاتە پاشخستن.
بەریا نها ڕاگەهاندبوو، کو بریار بو ئەڤرو ئێک شەمبی شاندا هەرێما کوردستانێ ب سەرۆکایەتیا جیگرێ سەرۆک وەزیران، قوباد تاڵەبانی و ب ئەدنامەتیا هەر ئێک ژ وەزیرێ دارای و پلاندانان، سکرتێرێ جڤاتا وەزیران و سەرۆکێ دیوانا ئەنجومەنێ وەزیران، سەرەدانا بەغدایێ بکەن.
No comments:
Post a Comment