پرس بادینی
گوتەبێژێ حەشدا شەعبی ڕاگەهاند ناوچەیێن ڤەقەتیای پێتڤی ب هێزن پێشمەرگەی نینە ژبەر وێ یەکێ ئەم دژی پێکئینانا ژوورا هەڤبەش یا دناڤبەرا هێزێن پێشمەرگەی و سوپایێ عیراقێ دانە.
عەلی حسێنی گوتەبێژێ میحوەرێ باکووریێ حەشدا شەعبی ڕاگەهاند، هێزا پێتڤی ل وێ ناوچێ هەیە ئەوا کو داعش تێدا لڤینێ دکەت و هێرش تێدا ئەنجام ددەت، بەلێ ئاریشە نەبونا هەماهەنگیێ یە دناڤبەرا وان هێزان دا.
عەلی حسێنی گوتەبێژێ حەشدا شەعبی، پێکئینانا ژوورا هەڤبەشا دناڤبەرا هێزێن پێشمەرگەی و هێزێن عیراقی دا ل ناوچەیێن ئاریشە لسەر رەتکریە، ئاماژە ب وێ یەکێ ژی کریە شەڕ و هێڕشێن مەزن د هەبونێ نینن، هەتا ئەوێ ناوچێ پێتڤی ب هنارتنا پێشمەرگەی بیت، و گوتیە "داخوازکرنا ڤەگەریانا پێشمەرگەی سیاسی یە نەکو ئەمنی، چونکە هەلبژارتن نێزیکە".
گوتەبێژێ میحوەرێ باکوورێ عیراقێ یێ حەشدا شەعبی ڕاگەهاندیە، "شەڤا دەربازبوی داعش ل گوندێ بەشیر کورێ سەید قەمبەر باوەرپێکریێ مەرتعیەتێ کوشتیە، ل خانەقینێ ژی هێرشکریە سەر حەشدێ.
پشتی کوشتنا سەید قەمبەری باوەرپێکریێ مەرجعیەتا بلندا شیعەیان ل عیراقێ، حەسەن تۆڕان جێگرێ سەرۆکێ بەرەیێ تورکمانی د بەیاننامەیەکێ دا، داخوازا هنارتنا هێزێ ژ حکومەتا عیراقێ کریە، بەلێ عەلی حسێنی گوتیە "هنارتنا هێزێ نەیا پێتڤی یە، هەبونا هەماهەنگیێ پێتڤی یە، هەروەسا ئەو ئاوارەیێن ژبوی گوندێن خوە ڤەگەریای پێتڤیە ڤەکولین لسەر ناسنامەیێن وان بهێتەکرن".
دەربارەی هاتنا هێزەکا زور یا داعشێ ل سوریا بو عیراقێ، گوتەبێژێ حەشدا شەعبی گوتیە، "سنورێ دناڤبەرا عیراق و سوریا نە شدیاینە، هەتا هێز هاتن و چونێ نە کەت".
No comments:
Post a Comment