پرس بادینی
لگۆڕەی بەراوردکرنەکا ئێکەتیا ڤەکولین و شلوڤەکرنا تیرۆرۆ "TRAC"، چەکدارێن داعش تنێ د مەها ئابا ئیسالدە بەرپرسیارەتیا ١٠٠ کردارێن لسەرتاسەری عێراقێ دانایە سەر ملێت خوو.
وێ ئێکەتیی ڕاگەهاند ژی، ئەو کردارێن تیروریێن داینە پاڵ ئەڤێ ڕێخراوا تۆندڕەو بەراورد دگەل مەها تەمووزا ئیسال ب ڕێژەیا ٢٥%زێدەبویە.
هەروەسا تەکەز ل وێ یەکێ ژی کریە "ئەو هێڕشێن داعش ب پلا ئێکێ ل وان ناوچەیان بونە ئەوێن پێشتر ب دەستێ گروپێن توندڕەو هاتبونە ئازادکرن".
هەڤدەم ل گۆڕەی تۆڕا "فۆکس نیوزا" ئەمریکی زێدەبونا ڤێ ژمارێ ئاماژەیە بو ئاراستەیەکێ کو جهێ دڵگرانیێ یە و خوە د چوارچوڤێ سەرهلدانا داعشێ دا دبینیت، ب ڕەنگەکێ بەرچاڤ ب ڕێکا گڕووپەکێ ژ شانەیا نڤستی، کو ئەڤەژی سەدما نێگەرانیێ یە لسەر ئاستێ هەرێم و جیهانێ.
جهێ بیرئانینێ یە، پشتی چەندین شەرێن خویناوی کو زێدەتر ژ سێ سالا درێژبو، عیراقێ ل سالا ٢٠١٧دە سەرکەفتن ب سەر ئەڤێ ڕێکخڕاوا توندەو دە ڕاگەهاندبوو، بەلێ هێشتا د شیانێن چەکدارێن ئەڤێ ڕێکخراوێ دایە هێڕشێ بکەنە سەر هێزێن ئەمنی ل ناوچەیێن دوورەدەست ل باکوور و روژئاڤایێ عیراقێ.
No comments:
Post a Comment