پرس بادینی
وەزیرا کشتوکاڵ و چاڤکانیێن ئاڤی یا حکومەتا هەرێما کوردستانێ پەیامەک دەربارەی سوتنا دارستانا چیایێ گۆیژە بەلاڤکر و ئاماژە ب وێ یەکێ ژی کر، بەریا نها چەندین جارا مە هوشداری لسەر سوتنا دارستانا گۆیژە ژبوی پاراستنا وێ دابوو بەلێ جهێ داخێ یە گەهشتە ڤێ ڕۆژێ.
بێگەرد تاڵەبانی، د هەژمارا خوەیا تایبەت لتوڕا کومەلایەتیا فەیسبوکی بەلاڤکر و تێدا هاتیە، "مخابن گۆیژەیا کەسک ڕەش پوشکرن، جهێ داخێ یە بەرێ سحاریا ئیرو ئەینی، بەشەک ژ دارستانا گۆیژە شەوتی، دارستانا گۆیژە سێ هەزار دوونەمە و دارستانەکا گرنگا باژێرێ سلێمانیێ بوو، دگەل ئاگر بەربونێ ڕێڤەبەرێ گشتیێ باغداریێ و دارستان و پاوان و رێڤەبەریا دارستان و پاوانێ سلێمانیێ و فەرمانبەرێن مە ب هەڤکاریا لایەنێن پەیوەندیدار دگەل دیفچونێ دگەل بزاڤا کونترۆلکرنا ئاگری هاتبو دان".
ئاماژە ب وێ یەکێ ژی گر "چەندین جاران مە رێکارێن پێتڤی بەحسکرنە و مە داخواز کربو کو بزاڤێن جدی بکەن ژبوی پاراستنا وێ دارستانێ، بەلێ جهێ داخێ یە گەهشتە ڤێ ڕۆژێ".
وەزیرا کشتوکاڵ و چاڤکانیێن ئاڤی یا حکومەتا هەرێما کوردستانێ ڕوونکر "زەحمەتا چەندین ساڵێن فەرمانبەران د چەند دەمژمێرەکاندا و ژ کێمتەرخەمیا هندەک کەسان کو هەست ب بەرپرسیارەتیێ ناکەن هەتا گەهشتە ئەڤێ ڕەوشێ".
No comments:
Post a Comment