پرس بادینی
بەریا نیڤرویا ئیرۆ شەمبیێ ١٢ی ئەیلولا ٢٠٢٠ێ ل پارێزگەها کەرکوکێ، پێکئانینا دەستەیەکا نو یا سیاسی ژبوی عەرەبێن شیعە هاتە ڕاگەهاندن.
دەستیا نوی بناڤێ (دەستەیا هەماهەنگیا عەرەبی) وەکی نوینەرێن پێکهاتا عەرەبێن شیعە ل وێ پارێزگەهێ هاتە پێکئانین، و د کونگرەیەکێ ڕۆژنامەڤانی دا ئاماژە ب وێ یەکێ هاتە کرن، ئەو دەستەیا نوی سەرپشککریە دەربارەی دابەشکرنا دەستهەلاتان ل وێ پارێزگەهێ و جێبەجێکرنا داخوازییان لگۆڕەی یاسا و دەستوری دگەل لایەنێن پەیوەندیدار، دانوستاندنێ ئەنجام بدەت.
محەمەد ئەللامی ئەندامێ دەستەیا هەماهەنگیا عەرەبی، د کونگرەیەکێ ڕۆژنامەڤانی دا داخواز ل هەمو پێکهاتێن کەرکوک و هێزێن سیاسی کریە کو یەکرێزبن و ناکوکیان نەهێلن و د پروسا دیموکراسیدا بەژداربن.
ڕاگەهاندیە ژی کو دەستەیا هەناهەنگیا عەرەبی دگەل هەر پرۆژەیەکێ نشتیمانی یە و ئەگەر ژبوی پێشخساتنا پڕۆسا سیاسی و چارەسەرکرنا قەیرانان بیت ل کەرکوکێ و گوتیە "دەستەیا هەماهەنگیا عەرەبی دگەل هەر بزاڤەکا نشتیمانی دایە، ئەگەر ژبوی سەقامگێرق و ڤەکرنا لاپەرەکێ نوی بیت ل وێ پارێزگەهێ".
No comments:
Post a Comment