هەڕەشەیا ب شەق دەرێخستنا ژدەرڤە هەتا جودابونێ ژ بزاڤا گۆڕان - پرس بادینی

إعلان فوق المشاركات

 هەڕەشەیا ب شەق دەرێخستنا ژدەرڤە هەتا جودابونێ ژ بزاڤا گۆڕان

هەڕەشەیا ب شەق دەرێخستنا ژدەرڤە هەتا جودابونێ ژ بزاڤا گۆڕان

 



پرس بادینی-ڕاپۆڕت


جڤینا ڕۆژا دەربازبوی یا جڤانا نشتیمانیا بزاڤا گۆڕانێ ئاڵوزترین ڕوونشتنا وێ بزاڤێ بوە کو تێدا هەڕەشەیا دەرێخستنا ب شەقا هاتیە بکارئینان.


د وێ جڤینێ دا دوو بەرەیێن جیاوازێن ناڤا وێ بزاڤێ لێدوانێن دژی ئێک و دوو دانە، هەر ئێکی ئەوێ دی ب تومەتێن جیاواز تومەتبارکریە.


چاڤکانیا هەڤرکیان ژبوی مانێ یان ژی ڤەکشیانێ ل کابینەیا مەسرور بارزانی ڤەدگەریت، ئاڵوزی دناڤبەرا دوو بەرەیێن دژی ئێک و دوو بوە لسەێ ئەڤێ پرسێ.


ئاریشەیێن بزاڤا گۆڕان گەلەک ژ وێ ئاڵوزترن ئەوێن دهێنە دیتن، نها دناڤا بزاڤا گۆڕانێ دا دوو باڵێن سەرەکی دروستبونە، باڵەک داخوازا ڤەکشیانا بزاڤێ ژ حکومەتێ دکەت، و باڵەک داخوازا مانا وێ بزاڤێ دکەت دناڤا حکومەتێ دا. 


جڤینا جڤاتا نشتیمانی 


تیما وەزاریا بزاڤا گۆڕان ل ڕۆژا شەمبیێ ٥ی ئەیلولێ د جڤینا نشتیمانی دا هاتنە مێهڤان کرن ژبوی پێدانا ڕوونکاریان، داکو ل بەرچاڤێت وان ڕوون ببیت.


بەژداربویەکێ جڤینێ ژبوی پرس میدیا گوت، ئاواتێ شێخ جەناب وەزیرێ دارای داخواوکریە ئەو گوتنێن خوە بێژە و ڕێکێ بدەنێ ئەو بچیت، ژبەر وێ یەکێ کو شاندا هەرێمێ ئەڤرو وێ بچە بەغدا.


ل گۆڕەی گوتنێن وی بەژداربویێ جڤینێ، ل چوارچوڤێ گوتنێن ئاواتێ شێخ جەنابی دا، ڕەخنە دەربارەی فڕاکسیونا گۆڕان ل بەغدا هەبونە، لسەر وێ یەکێ کو دژی تیما وەزاری یا گۆڕان د حکومەتێ دا کار دکەن.


لسەر وێ یەکێ غالب محەمەد پەڕلەمانتارێ گۆڕان ل بەغدا، داخواز کریە بمینیت و گوهداریا گوتنێن وان بکەت و بەرسڤا ڕەخنەیێن وان بدەت.


"غالب گوتیە، من ژی گوتن هەنە و دڤێت گوهداریێ بکەی، کاک ئاواتی ژی ئامادەییا خوە نیشان نەدا، کو گوهداریا وی بکەت و گوت ڕۆژەکا دن وێ ئەو بجڤن وان جهەبە بلا بەحس بکەن"، ئەو یەک بویە سەدەما تێک چونا جڤینێ و توندبونا ئاخفتنێن هەردوو ئالیا. 


"تو بەردەوام بی دێ تە ب شەقا دەرێخمە ژدەرڤە" 


لگۆڕەی زانیاریێن پرس میدیا کو ژ چەند بەژداربویێن وێ جڤینێ ب دەست کەفتنە، کاروان هاشم ئەندامێ جڤاتا نشتیمانی لسەر توندبونا گوتوبێژان گوتیە غالب محەمەد پەڕلەمانتارێ بەغدا لسەر بزاڤا گۆڕان، ئەگەر بەردەوان بی دێ تە ب شەقا دەرێخم ژ دەرڤە، هەر ئەڤێ چەندێ وەکریە غالب محەمەد و کاروان هاشم بزاڤا پەلاماردانا ئێک و دوو بکەن.


جودا ژ وانا، دانا عەبدولکەریم وەزیرێ ئاڤەدانکرنا حکومەتێ دژی غالب محەمەد ئاخفتیە و بەرامبەر وێ یەکێ غالب محەمەد ژی وەکو یاریپێکرن گوتیێ ڕێکا کەلار-سلێمانی جوانە.


هەر ب وێ سەدەمێ غالب محەمەد هوڵا جڤینێ ب جی هێڵایە، و وەکو نیونەرێ فڕاکسیونا گۆڕان ل بەغدا بەژداری وێ جڤینێ بوە، و ئەندەمێن فڕاکسیونا گۆڕان ل بەغدا داخوازێ دکەن گۆڕان خوە ژ حکومەتێ ڤەکێشیت، و تیما وەزاریژی داخوازا مانێ دکەن.


پشتی هاتنا ژ دەرڤەیا غالب محەمەد ژ وێ جڤینا جڤاتا نشتیمانی، فڕاکسیونا گۆڕان ل بەغدا ڕاگەهاندنەک بەلاڤکریە و تێدا پشتەڤانیا خوە ژبوی پەڕلەمانتارێ خوە نیشاندایە، و تەکەز ل وێ یەکێ ژی کریە کو دڤێت گۆڕان خو ژ حکومەتێ ڤەکێشیت


فڕاکسیونا گۆڕان ل بەغدا، پێکدهێت ژ یوسف محەمەد، غالب محەمەد، هوشیار عەبدولا، بەهار مەحمود و کاوا محەمەد، بو دەما چەند مەهانە بەژداریی د جڤینێن گۆڕانێ دا ناکەن، بتنێ ل ڤێ جڤینا داویێ غالب محەمەد بەژداری کریە.


ل گۆڕەی ئەوان چاڤکانیێن ژبوی پرس میدیا ئاخفتینە، ئامانج ژ ڤێ جڤینێ ڤەکرنا کرێکێن کورەبون دناڤبەرا تیمێن وەزارییێن حکومەتێ و فڕاکسیونا گۆڕان ل بەغدا بوو، بەلێ ئاڵوزی کەفتە جڤینێ.


فڕاکسیونا گۆڕان لبەغدا وێ سەربەخویێ ڕابگەهینە؟


هەر ل دیف لێدوانێن چەندێن بەشداربویێن وێ جڤینێ، پێشبینی دهێتە کرن، فڕاکسیونا گۆڕان ل بەدغدا دەست ژکاربکێشیت، و وەکی فڕاکسیونەکا سەربەخو کاربکەت، بوێ ئەکێ ژی فڕاکسیونا گۆڕان چو پەڕلەمانتار ل پەڕلەمانێ عیراقێ نامینن.


فڕاکسیونا گۆڕان ل ڕۆژا شەمبیێ د ڕاگەهاندنەکێ دا بەحس لوێ یەکێ کریە، د نێزیکترین دەرفەت دا هەولیستێ خوە ڕابگەهینن، دگەل وێ یەکێ ژی ڕژدیا خوە لسەر ڤەکشیانا گۆڕان ژ حکومەتێ دووپاتدکەن.


لاهور جەنگی فڕاکسیونێ لبەغدا دلڤینیت؟


ڕزگار محەمەد، ئەندامێ فڕاکسیونا گۆڕان ل پەڕلەمانێ کوردستانێ ژبوی مالپەرەکێ سەر ب پارتی و مەسرور بارزانی ڤە گوتیە، ئەم گومانێ دکەن فڕاکسیونا بەغدا ژ ئالیێ لاهور جەنگیێ هەڤسەروکێ ئێکەتیێ ڤە وەرە لڤاندن.


"هەلسوکەوت و ئاخفتنێن وان نە دگونجای نە، گوتنێن وان گومان لسەرن، مە بەلگەیێن تەمام نینن کو لاهور جەنگی وێ بلڤینە، بەلێ ب ئێک نەفەس د ئاخڤیت، بتایبەتی لڤینا وان دناڤا جڤینان دا، ژبەر وێ یەکێ ئێک ژ ئەگەران دهێتە دیتن کو ئەو بهێتە ئاراستەکرن" ئەڤە گوتنا ڕزگار محەمەد ە.


فڕاکسیونا گۆڕان ل پەڕلەمانێ کوردستانێ ژی هەمان ئاریشە هەیە


حەفتیا بوری عەلی حەمە سالح سەرۆکێ فڕاکسیونا گۆڕان ل پەڕلەمانی دەست ژ کاری کێشا، ئەوێ یەکێ ژی فڕاکسیون بەسەر دوو بەرەیاندا دابەشکریە.


بریاربو داویا حەفتیا بووری پرسا سەرۆکێ فڕاکسیونا گۆڕان بهێتە ئێکلاکرن، بەلێ ب سەدەما ناکوکیێن دناڤا بزاڤێ دا هاتە پاشخستن.


هەرە پارتی، هەڤئاوازێ پارتی، ئەڤە ئەو دەستەواژەنە کو ئەندامێن بزاڤا گۆڕان ئینانە دناڤا مەدیایا کوردیدا، نەیارێن بزاڤێ و لایەنگرێن پارتی پێ وەسف دکەن، بەلێ پا نها ئەو بزاڤ وان ناڤو نیشانا پێ دهێنە وەسفکرن.


بزاڤا گۆڕان نها ژ لایێ کۆڕێن نەوشێروانی ڤە دهێتە ئیدارەدان، داهات و پارەیێ وێ بزاڤێ هەر ژ لایێ وانڤە دهێتە کۆنترۆلکرن، ئەڤێ ییەکێ ژی وەکریە بەشەکێ زێدە ژ کادرێن ڤێ بزاڤێ دەست ژکاری بکێشن.

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©