پرس بادینی
ڕوژنامەڤان و چالاکڤانێن دەرڤەرا شێڵادزێ هوشداریێ ددەن و دبێژن، ڕێژا چونا گەنجان بو دەرڤەی وەلاتی روو ل زێدەبونێ یە و ب ڤی ڕەنگی وێ ئەو ناوچە ژ گەنجان ڤالا ببیت.
ئەحمەد شامکی، روژنامەڤان و چالاکڤانێ دەڤەرا شێلادزێ د لێدوانەکێ دا ژبوی "پرس میدیا" ڕاگەهاند " ڕێژا چونا گەنجێن وێ دەڤەرا ب سەدان شەهید ل پێناڤ ئاخا خوە و ئازادیێ داین، بەرەڤ وەلاتێن ئەوروپی ڤە د زێدەبونێ دایە و ڕۆژانە ژمارەیەکا دیار ب رێکێن جودا ژ کوردستانێ دەردکەڤن".
ئەحمەد شامکی ئاماژە ب وێ یەکێ ژی کر، پتریا وان کەسێن وەلاتی ب جی دهێڵن د ژیێ ١٤ هەتا ٣٠ سالیێ دا نە و بەشەکێ زێدە ژی خوەدی باوەرنامەیێن جودا جودانە ، و هزراوان ئەوە تەمەنێ خوەیێ مای ب ئازادی و خوشی ببورینن.
شامکی، سەدەما وێ یەکێ ژی بوی بێ کاری بێ هیڤیبونا گەنجان لهەمبەر سوزێن بێ ئەنجامێن بەرپرسا ڤەدگەرینە و دبێژە، گەلەک بەرپرسان سوز داینە چاڤێ خوە بدن گەنجا لێ سوزێن خوە ب جی نەئانینە، و گەنجێن دەڤەرێ ژی هێز و شیانێن باش هەنە ئەو ناخازن هێزاوان د چاڤەرێبونێ دا ژناڤ بچە و نەمینە، لەوڕا ئەگەر ڕێکەچارەیەک ژبوی ڤێ دەڤەرێ نەهێتە دیتن وێ کارەسات ڕووبدەت.
ل داویێ ژی وی ڕۆژنامەڤانی گوت، هەتا نها رێژەکا دیارا گەنجێن خوەدی باوەرنامە و بێ باوەرنامە چونە دەرڤەی وەلاتی و بەشەکا دی ژی ئامادەکاریان دکەن داکو ئاخ وەلاتێ خوە ب جی بهێلن.
ئەڤە د دەمەکێ دایە، هەرێما کوردستانێ ب تایبەتی و عیراق ب گشتی د قەیرانێن سیاسی و ئابووری دا دەرباز دبە، زێدەباری شەرێ دناڤبەرا پەکەکێ و سوپایێ تورکیا ل ناوچەیێن سنوری یێن باشوور و باکورێ کوردستانێ، ئەڤێ یەکێ ژی وەکریە سەدان گوند ل وان ناوچەیان بهێنە چولکرن و ب سەدان کەسێن سڤیل شەهید و برینداربونە.
No comments:
Post a Comment