کارڤەدانا عەرەبا ل هەمبەر دەربازبونا فڕۆکەیەکا ئیسرائیلی ب سەر ئەسمانێ سعودیە دا - پرس بادینی

إعلان فوق المشاركات

 کارڤەدانا عەرەبا ل هەمبەر دەربازبونا فڕۆکەیەکا ئیسرائیلی ب سەر ئەسمانێ سعودیە دا

کارڤەدانا عەرەبا ل هەمبەر دەربازبونا فڕۆکەیەکا ئیسرائیلی ب سەر ئەسمانێ سعودیە دا


 


پرس بادینی


ئەو سعودیێن دژی رێککەفتنا دناڤبەرا ئیمارات و ئیسرائیلێ دا بوون ل تورا کومەلایەتیا تویتەری دا نەرازیبونا خوە ل هەمبەر حکومەتا وەلاتێ خوە دیارکرنە و د هەڵمەتەکێ دا پەیاما "دەستهەلاتدارێن عەرەب ل دەرازینکەکا نەفرەت لێکری چونە دناڤا مێژوویێ دا" بەلاڤکرنە.


ئەو فڕۆکا ئیسرائیلی یا ژبوی ئەنجامدانا جڤینا ئاسایکرنا پەیوەندیان دگەل ئیماراتێ سەرەدانا ئەبوزەبی کرن، ئەسمانێ سعودیێ بکار ئینان، ئەڤێ یەکێ ژی کارڤەدانێن توندێن جیهانا عەرەبی ل دیڤ خوە ئینان.


سەعید بن نەسر غامدی ئەکادیمیستێ سعودیێ، بابەتەک ل تورا کۆمەلایەتیا تویتەرێ خوە بەلاڤکریە و ئاماژە ب وێ یەکێ کریە کو دەربازبونا فرۆکا ئیسرائیلی ب سەر ئەسمانێ سعودیێ دا د دەمەکی دایە کو ئەو لا هەتا نها د روویێ فرۆکەیێن قەتەرێ دا گرتیە.


بهەمان ڕەنگ تەلعەت فەهمی گوتەبێژێ ئێخوان موسلمین ل مسڕێ د راگەهاندنەکێ دا ئەویەک دیارکریە، "دەربازبونا یەکەم فڕۆکا ئیسرائیلێ د ئەسمانێ سعودیێ دا، نەپاقژیەکا نوییە ل هەمبەر دۆزا فەلەستینێ".


تەلعەت فەهمی تەکەز ل وێ یەکێ ژی کر، پرسا رزگارکرنا فەلەستینێ وەکی ئێک ژ گرنگترین داخوازیێن ئومەتا ئیسلامێ دێ مینیت و مزگەفتا ئەقسا پێگەهێ خوە د دڵێ عەرەب و موسلماناندە وێ ب پارێزێ.


هەروەسا مەعسوم مەرزوق ئۆپۆزسیۆنا مسرێ، د تویتەر خوەدا بابەتەک بەلاڤکریە و تێدا نڤێسایە "دەربازبونا فڕوکەیەکا ئیسرائیلی د ئەسمانێ سعودیێ دە و دانینا وێ ل ئیماراتێ وەکریە د بورسا جیهانێ دا بها و شەرەفا عەرەبان دابکەڤە خوارێ.


زێدەبارێ وێ یەکێ ئەدهەم ئەبو سەلیمێ فەرەلستینی د هەژمارا خوەیا تویتەریدا نڤێسایە "دەربازبونا وێ فڕۆکێ ب سەر ئەسمانێ سعودیێ دە و بو سەرەدانا ئیماراتێ نیشاندا حکومەتا ریازێ هەڤبەشە د ڤێ شەرمزاریێ دا".



ژ ئالیەکێ دن ڤە، شازادێ سعودیێ، عەبدولرەحمان بن موسەید ل تورا کومەلایەتیا تویتەری ڕاگەهاندیە و بەرەڤانی ڵ حکومەتا ریازێ کریە.


عەبدولرەحمان بن موسەید د بەرسڤا ڕەحنەیاندا بەحس ل وێ یەکێ کریە کو سعودیە گەلەک کار ژبوی دوزا فەلەستێنێ کرینە.


ئەڤە د دەمەکێ دایە دوهی دووشەمبی ٣١ی ئابا ٢٠٢٠ێ شاندەکێ هەڤبەشێ ئیسرائیل و ئەمریکا ب فڕۆکەیەکێ ژبوی گوتوبێژان لسەر رێککەفتنا ئاسایکرنا پەیوەندیان دگەل ئیماراتێ ب ئەسمانێ سعودیێ دە دەربازبونە و گەهشتنە ئەبوزەبی.


دهێتە چاڤەرێکرن ئەڤ سەرەدانە بو دوو رۆژان درێژببە و ژمارەیەکا رێککەفتنان دناڤبەرا ئیسرائیل و ئیماراتێ دا وەرن ئیمزاکرن.


ب ڤی ڕەنگی ئیمارات پشتی مسر و ئوردنێ دبیتە سێیەم وەلاتێن عەرەبی رێککەفتنا ئاسایکرنا پەیوەندیان دگەل ئیسرائیلێ ئیمزابکەت.


No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©