پرس بادینی
دەستەیا دەستپاکیا عیراقێ ڕاگەهاند، د ماوەیێ ئەوان هەڵمەتاندا ئەورن تیمێن وان ب ڕەنگەکێ مەیدانی د سێ مەهێن بوریدا ئەنجامداین، ٨٥ کەس ب تومەتا گەندەلیێ دەستەسەرکرنە و ٢٧ ملیار و ٤٠٠ ملیۆن دینارژی ڤەگەراندنە بو گەنجینەیا دەوڵەتێ.
فەرمانگەها ڤەکولینێ ل دەستەیا دەستپاکیا عیراقێ د ڕاگەهاندنەکێ دا هویرکاریێن ئەوان هەڵمەتا ڕوونکرنە و ڕاگەهاندیە، ژ ئێکی ئایارێ هەتا ٣١ی تەموزا ئیسال، تیمێن وان ٩٧ هەڵمەت ل بەغدا و ژمارەیەک پارێزگەهێن دن لسەر نەهێلانا گەندەلیێ ئەنجامدانە، و دناڤا وان هەڵمەتاندە ٨٥ کەس ب تومەتا گەنەدلیێ دەستەسەرکرنە.
د ڕاگەهاندنێ دا ڕوونکریە، کو تیمێن وان یێن سەر ب رێڤەبەریا ڤەکولینێن بەسەر د وی ماوەی دا، ٢٠ هەڵمەت ئەنجامدانە و دناڤا وان دا دەست ب سەر ١١٠ مامەلەیێن سەختە یێن خانوبەرێن میری دا گرتنە کو بهایێ وان پێنج ملیار دیناربوە.
د هەمان ڕاگەهاندن دا هاتیە، هەر د وی ماوەی دا دەست ب سەر ١٤٧ مامەلەیێن خانەنشینی یێن سەختەیێن تایبەت ب قوربانیێن تیرورێ ڤە ل دەستەیا خانەنشینیا نشتیمانی لقێ ئەنبار کو بهایێ وان ١٠ ملیار دینارە گرتنە، هەروەسا دەست ب سەر مولەتەکا سەختە دا گرتنە کو ژبوی وەرگرتنا قەرزان ب ئارمانجا وەبەرهێنانێ ل نەجەف کو بهایێ حەفت ملیار دیناربوە، زێدەباری وێ یەکێ ژی دەست ب سەر مولەتەکا سەختە دا گرتنە کو ژ بوی وەرگرتنا پێنج ملیار دیناران بو کاری خانوبەریێ هاتبون دان".
ل داویێ فەرمانگەها ڤەکولینێن دەستەیا دەست پاکیێ بەحس ل وێ یەکێ کریە، لسەر گرێبەستا کرینا ژمارەیەک ئامیرەیێن پشکنینا ڤایرۆسێ کۆرۆنایێ کو بهاهیێ وان ٤٠٠ ملیون دینار بوە و فەرمانگەها تەندروستی یا کەرکوکێ ئیمزا لسەر کریە ئاشکرا کریە، زێدەباری وێ یەکێ ل کەرکوکێ ژمارەیەکا تومەتباران دەست ب سەر ژمارەیەک زەڤیێن خانەبەرێن میری داگرتبو ل کەرکوکێ ئەوژی دەستەسەرکرنە.
No comments:
Post a Comment