پرس بادینی
ئەندامێن ئەوان فراکسیونێن ئیمزایا پرساندنا سەرۆکێ حکومەتا هەرێمێ و جیگرێ وی کرین جارەکا دن یاداشتەکا نوی ژبوی سەرۆکایەتیا پەڕلەمانی شاندن بو پرساندنا سەرۆکێ حکومەتێ و جێگرێ وی و وەزیرێ دارای.
د کونگرەکێ ڕۆژنامەڤانی دا ئیروو ٢٧ی ئەیلولێ، هەر ئێک ژ عەبدولستار مەجید سەرۆکێ فراکسیونا کۆمەل و شێرکۆ جەودەت سەرۆکێ فراکسیونا ئێکگرتوو و نوینەرێ پەڕلەمانتارێن سەربەخوان ڕاگەهاند یاداشت دووبارە ئاراستەی سەرۆکایەتیا پەڕلەمانی کرنە.
عەبدولستار مەجید سەرۆکێ فڕاکسیۆنا کۆمەڵ ل پەڕلەمانێ کوردستانێ ڕاگەهاند، "مەسرور بارزانی، سەرۆکێ حکومەتا هەرێمێ داخواز کریە ب مادەیەکێ جیاواز لسەر پرساندنێ سەرەدانا پەڕلەمانی بکە، بەلێ ئەم وەسا دبینت ئەڤ داوخازیە ژبوی نەهێلانا یاداشتا پرساندنێ یە".
سەرۆکێ فڕاکسیۆنا کۆمەڵێ ڕاگەهاند ژی "ئەو ماددەیێ کو سەرۆکێ حکومەتێ لسەر داخواز ژ پەڕلەمانی کریە بو سەردان ماددێ ٦٦ێ یە و د ڤی دماددەی دا پەڕلەمانتار نەشێت پرسیارێ لێ بکەت لسەر سەدەمێن برینا بەشەکێ ژ مووچەیێ فەرمانبەران و پاشکەفتنا مووچەی".
ل ڕۆژا دەربازبوی ٢٦ی ئەیلولێ، مەسرور بارزانی، سەرۆکێ حکومەتا هەرێمێ داخواز ژ پەڕلەمانی کریە، روونشتنەکێ سازبکەت ژبوی وێ یەکێ گوتارەکێ پێشکێشبکەت لسەر ڕەوشا نها یا هەرێمێ و پێنگاڤێن یاسایا چاکسازیێ".
No comments:
Post a Comment