پرس بادینی
سحاریا ئیروو ئێک شەمبی ٢٧ی ئیلولا ٢٠٢٠ێ زەنگا دەستپێکرنا ساڵا نوی یا خواندنێ ژبوی قوناغا ١٢ێ ئامادەی هاتە لێدان.
د مەراسیمەکێ دا ب بەشداریا مەسرور بارزانی سەرۆکێ حکومەتا هەرێما کوردستانێ و ئالان حەمەسەعید وەزیرێ پەروەردێ ل قوتابخانەیەکا بەحرکێ ل هەولێرا پایتەختێ هەرێمێ، زەنگا دەستپێکرنا سالا نوی یا خواندنێ ژبوی قوناغا ١٢ێ ئامادەی هاتە لێدان.
ئەڤە د دەمەکێ دایە هێشتا خواندنا قوناغێن سەرەتای و ناڤنجی دەستپێنەکریە، ئەو ژی ب سەدەما بەلاڤبونا ڤایرۆسێ کۆرۆنایێ و رێکارێن خوپاراستنێ ل زێدەتر بەلاڤبون و گەشبونێ.
ل گۆڕەی ساڵناما خواندنێ ٢٠٢٠ـ٢٠٢١ یا وەزارەتا پەروەردێ ل ڕۆژا ١٠ی مەها بهێت خواندن ژبوی قوناغێن ئێکێ و دووێ بنەرەتی ل قوتابخانەیان دەستپێدکەت و ژبوی قوناغێن دن ژی وێ ب شێوازێ ئونلاین بە.
No comments:
Post a Comment