پارێزەر: خطاب عمر
سەلماند
دەستهەلات ل هەرێما کوردستانێ یا خەلکی نینە یا بنەمال و کەسا و گروپایە و خەلک ل دەستهەلاتەکێ دگەرن کۆ رێکخستنا ژیانا وان بکەت و وان ب هاولاتی بزانیت و کەرامەتا وان بپارێزیت.
سەلماند
کۆ رێڤەبرنا دەستهەلاتێ د ژورڤە نینە و ترس ل خەلکی خودان رابردویەکێ خرابە و یێ ژ هاولاتیێ خوە بترسیت ئەوی هندا کری قیمەتێ رێزێ ل دەف خەلکێ خوە نینە و خەلکی ب دوژمن دزانیت چونکە خوینا ناڤبەرا وان و خەلکی دا.
سەلماند
کۆ ئەڤ نشتیمانێ سیاسی عێراقە و نشتیمانێ نەتەوەیی کوردستانە ئەڤە ئەو هەقیقەتە یا دڤیا حزبێن کوردی یەکەم جار گوتبا خوە و بچویکێن خوە ب دروشم و مزایەدەێن نشتیمانی و نەتەوەیی نە فروشنە کەسێ و خەباتا شاخی ب کێر دروستکرنا باخی ناهێت.
سەلماند
کۆ ژیانە پاشان چالاکی ئەڤ درەوێن دەستهەلاتدار دکەن کۆ بلا ئەم برسی بین بتنێ بلا دەستکەفتان ژ دەست نەدەین ئەو دەستکەفتێن کۆ روژانە ئەو دبەنە مەیدانا بێ کەرامەتیێ و ب پارەکێ کێم و کەرامەتەکا کێمتر دفروشن.
سەلماند
هیچ مەترسیەک ل سەر قەوارێ هەرێمێ نینە و تاکە مەترسی هەبیت دیارکرنا درەو و ژناڤچونا بەرژەوەندیێن بنەمال و حزب و کەسایە و ئەڤەژی خوشحالیا هاولاتیا و مرنا خودان بەرژەوەندیانە.
سەلماند
د عێراقا فیدرال دا کوردستان ژی هەیە و عێراقەکا دەولەت ژی هەیە هەرێم سەر ب عێراقێ یە و لادانا مەزهەب و ئالا و وێنەێن دروشمێن حزبی و بنەمالەی چ سیستەما ئاڤا ناکەن دەست ژێ بەردەن و بخوە ببنە مال.
سەلماند
کۆ روژنامەڤانی پیشەکە مروڤان ئاڤا دکەت و کوشتنا روژنامەڤانان وەلات خراب دکەت.
سەلماند
هیچ ئوپزسیونەک ل ڤێ هەرێمێ نینە خوە ب جهگرێ پارتی و ئێکەتی بزانیت.
سەلماند
وی ژی پروژەک هەیە و کارڤەدانێن خەلکی ب مەیدانی بریاردانەکا پێشوەختا خودان سەنگە.
سەلماند
کۆ عێراق ئەو جەهنەم نینە یا دەستهەلات سەپێنەرێن کورد نیشا تاکێ کوردستانی دایی.
سەلماند
هەوە بوشاییەک یا هەی هین دشێن کو پێتڤی بون ب مە پرکەن.
ئەرێ ئەڤ سەلماندن دێ کەس و بنەمال و گروپێن دەستهەلاتدارێن هەرێمێ و ئوپزسیونا سیاسی یا کوردستانی فێری پێداچونەکا جدی و سەرانسەری یا ئەخلاقی و جڤاکی و نەتەوەیی و نشتیمانی و سیاسی کەت یان دێ هەر چاڤەرێ بن هێدی هێدی ریسوایی مێژوو ئاخا خوە بن.
No comments:
Post a Comment