پرس بادینی
دەستەیا سەرۆکایەتیا پەڕلەمانێ کوردستانێ بریاردا سبە سێ شەمبی جڤینا ژمارە (٥)ا ئاسای یا خولا پایزا ساڵا دووێ ژ خوڵا پێنجێ ل پەرلەمانێ کوردستانێ برێڤە بچە.
د ڕاگەهاندنێ دا هاتیە، دەستەیا سەرۆکایەتیا پەڕلەمانێ کوردستانێ بانگەوازیا هەمو ئەندامان دکەت ژبوی ڕونشتنا ژمارە (٥)ا ئاسایا خولا پایزی یا ساڵا دووێ ژ خولا پێنجێ یا هەلبژارتنێن پەرلەمانێ کوردستانێ.
ل گۆڕەی بەرنامەیا کارێ ڕوونشتنا ژمارە (٥)ا ئاسای یا خوڵا پایزی، وێ گوتوبێژ لسەر دوو تەوەران وەرە کرن کو تایبەتە ب "لەئەستۆکرنا فەرمانبەران و ماف و ئەرکێن نەخوشا".
د کارنامەیا پەرلەمانێ کوردستانێ دا هاتیە "بەردەوامبون لسەر خواندنا دووێ ژبوی پرۆژەیاسایا (لەئەستۆکرنا فەرمانبەران ل هەرێما کوردستان-عیراق) ل گۆڕەی حوکمێ ماددێن (٨٧-٨٨-٨٩) ل پەیڕەوێ نافخویێ پەڕلەمانێ کوردستانێ، هەروەسا دەنگدان لسەر پێشنیازا یاسایا (ماف و ئەرکێن نەخوش ل هەرێما کوردستانێ)، ل گۆڕەی حوکمێ ماددێ (٩٧،٩٦،٩٣،٩١،٩٠) ل پەیڕەوێ نافخویێ پەرلەمانێ کوردستانێ".
No comments:
Post a Comment