پرس بادینی
وه‌زیرێ ده‌رڤه‌یێ ئه‌مریكا راگه‌هاند، هه‌تا نها وه‌لاتێ وان دلگرانه ل هه‌مبه‌ر جوله‌كه‌یێن توركیا د ناوچه‌یێن رۆژهه‌لاتا ده‌ریایا ناڤه‌راست دا، داخوازا چاره‌سه‌ریێن دیبلوماسی دكه‌ت.
مایك پۆمپیۆ، وه‌زیرێ ده‌رڤه‌یێ ئه‌مریكا د سه‌ره‌دانه‌كێ دا ژ بوی قوبرس راگه‌هاند، "ئه‌مریكا هێشتا دوودل و نه‌ئارامه لهه‌مبه‌ر جوله‌كه‌یێن توركیا ل رۆژهه‌لاتا ده‌ریایا ناڤه‌راست و پێتڤیه چاره‌سه‌ریه‌كا دیبلۆماسی ژ بوی وێ یه‌كێ وه‌ره په‌یداكرن".
پۆمپیۆ ئه‌ویه‌ك ژی روونكر، "وه‌لاتێن ئه‌وێ ناوچێ پێتڤیه رێكه‌كا دیبلوماسی و ئاشتیانه بو بهێته په‌یداكرن ژ بوی چاره‌سه‌ریا هه‌ڤركیان، كو چاره‌سه‌ریا ئاسایشا ناوچێ و چاكانیێن وزه‌ی بخوڤه‌دگریت".
وه‌زیرێ ده‌رڤه‌یێ ئه‌مریكا راگه‌هاند، زێده‌بونا ئاڵوزیان پێنگاڤن ژ بوی دابه‌شبونا وه‌لاتێن هه‌ڤپه‌یمانا ناتۆ، كو ئه‌وژی خواستنا هنده‌ك وه‌لاتایه ببینن".
ب سه‌ده‌ما ده‌ستوه‌ردانا توركیا ل سوریا، هه‌رێما كوردستان و لیبیا و ده‌ریایا ناڤه‌راست دلگرانی و نه‌رازیبونا وه‌لاتێن ئه‌وروپا و به‌شه‌ك ژ وه‌لاتێن عه‌ره‌بی ل دوف خوه ئانی یه.
No comments:
Post a Comment