پرس بادینی
وەزارەتا تەندروستی یا هەرێما کوردستانێ ئاماڕا ٢٤ دەمژمێرێن بووری یێن تایبەت ب ڤایرۆسێ کۆرۆنایێ ڤە بەلاڤکرن.
ل گۆڕەی ڕاگەهاندنەکا وەزارەتا تەندروستیا هەرێما کوردستانێ ژمارەیا توشبونێ ب ڤایروسێ کۆرۆنایێ د زێدەبونێ دایە و ٣٩ هەزار کەس دەربازکر.
وەزارەتا تەندروستیا هەرێما کوردستانێ ڕاگەهاند، د ماوێ ٢٤ دەمژمێرێن بوریدا، ٦٨٠ توشبویێن نوی ب کۆرۆنایێ تومارکرن و رێژا هەرە زور ل دهوکێ یە ئەوژی ٣٠٥ توشبویی بونە، ل هەولێر ژی ٢٦ توشبوی و سلێمانی ١١٤ توشبوی و حەلەبچە ٣٠ توشبوی و گەرمیان ژی ٢٥ توشبویێن نوی تومارکرنە.
ڕاگەهاندنا وەزارەتا تەندروستیا هەرێما کوردستانێ ئاماژە ب وێ یەکێ ژی کر، د ٢٤ دەمژمێرێن بوریدا ٢٧٠ توشبویێن کۆرۆنایێ چارەسەربونە، ٢١٣ کەس ل هەولێر و ١٢ ل سلێمانیێ و ٢٢ ل گەرمیان و ٢٣ ل حەلەبچە.
هەر ل گۆڕەی ڕاگەهاندنا وەزارەتا تەندروستیا هەرێما کوردستانێ د دەما ٢٤ دەمژمێرێن بویدا، ژمارەیەکا مەزن یا ژ جان ژ دەستدانێ ب سەدەما کۆرۆنایێ تومارکریە و کو ئەوژی ٢٩ کەس بونە پتریا وان ل دهوکێ بونە ئەوژی ١٢ حالەت، حەفت کەس ژی ل سلێمانیێ و شەشێن دن ل هەولێر و دوو کەس ژی ل گەرمیان و کەسەک ژی ل ڕاپەرین بووە.
هەتا نها ل سەرانسەری هەرێما کوردستانێ، ٤٠٤ هەزار و ٩٢٤ پشکنین ژبوی دیتنا هەلگرێن ڤایرۆسێ کۆرۆنایێ هاتنە کرن و ٣٩ هەزار و ٣٤١ توشبوی هاتنە تومارکرن، ژ وێ ژمارێ ژی ٢٤ هەزار و ٧٩٢ کەس چارەسەربونە و ١٣ هەزار و ١٠٣ کەس هێشتا دین چارەسەریێ دانە.
د هەمان دەمێ دە ل هەرێما کوردستانێ هەتا نها هەزار و ٤٤٦ کەس ب سەدەما کۆرۆنایێ جانێ خوە ژ دەست دانە.
No comments:
Post a Comment