پرس بادینی
چەندین پولیسێن ڕێڤەبەریا بەشێ پارسپورتان ل دەرازینکا سنوری یا ئیبراهیم خەلیل توشی ڤایرۆسێ کۆرۆنایێ بونە و ئەگەر هەنە ئەو بەشە بو دەمەک نەدیار وەرە گرتن.
چاڤکانیەکێ کو نەخواستیە ناڤێ وی وەرە ئەشکەرا کرن ل دەرازینکا سنوری یا ئیبراهیم خەلیل ل زاخو تایبەت ژبوی "پرس میدیا" ڕاگەهاند، ل گۆڕەی پشکنینان هەتا نها پێنج پولیسێن بەشێ پاسپورتا ل وێ دەرازینکێ توشی ڤایرۆسێ کۆرۆنایێ بونە و ڕەنگە ژمارە زێدەتر ببە".
وی چاڤکانی بەحس ل وێ یەکێ ژی کر، ڕەنگە هەر ب ڤی سەدەمی بەشێ پاسپۆرتێن دەرازینکا ئیبراهیم بو دەمەک نەدیار وەرە گرتن.
ئەڤە د دەمەکێ دایە، ل ١٩ی مەها دەربازبوی بریارا شکاندنا قەدەغەیا هاتن و چونێ یا دناڤبەرا هەرێم و تورکیادا هاتبو دەرخستن، و بریار هاتە دان شوفێرێن تورکیا دەربازی ناڤا هەرێمێ ببن ب ڕێیا دەرازینکا ئیبراهیم خەلیل، ئەڤێ یەکێ ژی کارڤەدان و نەرازیبونا شوفێرێن وی باژێری ل دوف خوە ئانیبو.
No comments:
Post a Comment