پرس بادینی
مەدیایێن عیراقی بەلاڤکرن، بکوژێ وێ خێزانا پێنج کەسی ئەوێن دناڤا مالا خوەدا ل شەڤا دەربازبوی هاتین کوشتن، هاتە دەستەسەرکرن کو گەنجەکێ ٢٠ سالی یە.
ل گۆڕەی زانیاریێن پولیسان پشتی بوویەرێ و مفا وەرگرتن ژ کامیرێن چاڤدێریێ ل جهێ بوویەرێ شیانە وی بکوژی دەستەسەربکەن.
خێزانەک کو ژ دەیک و باب و سێ زارۆکان پێکدهات هەمو دناڤا مالا وان دا ب دەستدرێژیا گولەیان هاتنە کوشتن.
بکوژێ وێ خێزانێ برازایێ سەرۆک خێزانێ یە، ل گۆڕەی مەدیایێن عیراقی بەریا نها سەرۆکێ وێ خێزانێ چەند هەژمارەکێن فەیسبوکی هاککرنە و دەستەواژەیێن نەجوان دژی موقتەدا سەدر سەرۆکێ ڕەوتا سەدر بەلاڤکرنە.
بکوژی پشتی کوشتنا وێ خێزانێ لسەر دیوارێ مالا وان چەند دەستەواژەیەک نڤێسانە و تێدا ئاماژە ب وێ یەکێ کریە کو ژ ئالیێ کەتیبەیا سەرایا سەلامی موقتەدا سەدرڤە کوشتینە.
بەریا نها پرس بادینی بەلاڤکربوو، تەمامێ ئەندامێن ئێک خێزانا عیراقی ل ناووچەیا مەشتەل ل باژێرێ بەغدا ب دەستدرێژیا گوولەیان هاتنە کوشتن.
No comments:
Post a Comment