پرس بادینی
بریارە ئەڤ شەڤە ئێکەم ڕووبرووبونا تلەفوزیونی دناڤبەرا دوناڵد ترەمپ و جۆبایدن کاندیدێن سەرۆک کۆماری و دیموکراتیان ژبوی هەلبژارتنێن ئیساڵ یێن ئەمریکا برێڤە بچە.
رووبورووبون دێ ل زانکویا کیس وسترن ریسێرڤ ل باژارێ کیفلاند ل ویلایەتا ئۆهایێ برێڤە چیت، پێشکێشکارێ ڕووبرووبونێ کریس واڵاسێ بێژەر ل تۆڕا فوکس نیوز بیت و ژ ئالیێ لژنەیەکا بێلایەن ڤە دێ هێتە سەرپەرشتی کرن.
گرنگیا ئەڤێ ڕووبرووبونێ د وێ یەکێ دایە، کارییگەریێ دروست دکەت لسەر ئەوان کەسێن هەتا نها ئێکلانەبونە دەربارەی هەلبژارتنێن ٣ی تشرینا دووێ ل ئەمریکا.
دەما هاتی تەرخانکرن ژبوی رووبرووبونێ ٩٠ خوڵەکن و تێدا دێ گوتوبێژا شەش بابەتا هێتە کرن، هەر بابەتەک ١٥ خولەکن، هەر کاندیدەکێ ژی دوو خولەک هەنە ژبوی بەرسڤدانا هەر پسیارەکێ.
ل گۆڕەی مەدیایێن ئەمریکا پەژیکا کۆرۆنایێ و دادگەها بلند و ئابووری و توندوتیژیا باژێران لسەر بنەمایێ نەژادی و پاقژیا هەلبژارتنا ژ بابەتێن سەرەکی یێن گوتوبێژێ نە.
No comments:
Post a Comment