پرس بادینی
سوپایێ عیراقێ، دەستپێکرنا ئۆپەراسیونەکێ ب ئارمانجا رزگارکرنا چالاکڤانەکێ خوپێشاندانێن باژێرێ ناسریە ل باشورێ عیراقێ ڕاگەهاند، کو چەند رۆژەکان بەریا نها هاتیە ڕەڤاندن.
چەند رۆژەکان بەریا نها چالاکڤانەکێ خوپێشاندانێن باژێرێ ناسریە ل سەنتەرێ پارێزگەخا زیقار ل باشوورێ عیراقێ ب ناڤێ سەجاد عیراقی هاتیە ڕەڤاندن و هەتا نها چارەنڤێسا وی نەدیارە.
د ڤێ دەربارێ دا شانەیا ئەمنی یا سەر ب ئوپەراسیونێن هەڤبەشێن عیراقێ ڤە د ڕاگەهاندنەکێ دا دیارکر کو یەکەیێن دژەتیروری و هێزێن پولیسێن زیقار و هێزێن کۆماندویا سەر ب فەرماندەیا ئوپەراسیونێن سۆمەر، ئوپەراسیونەک ب ئارمانجا رزگارکرنا سەجاد عیراقی و دەستەسەرکرنا ئەوان کەسێن ناڤهاتی ڕەڤاندی دەستپێکریە.
هەر ل گۆڕەی ڕاگەهاندنێ ئوپەراسیون ل ناوچەیێن ئوم لغزال ل ناحیا دەوایە، شەدید، عبێد، عێگیگە، هەساسرە و سەید دەخیل دێ هێنە ئەنجامدان.
دوی ب شەڤ سەرۆک وەزیرێن عیراقێ و فەرماندارێ گشتیێ هێزن چەکدارێن عیراقێ، مستەفا کازمی فەرمان ل فەرماندەیێ ئوپەراسیونێن هەڤبەش کر ڕێکارێن بلەز ژبوی ئارمانجا پەیداکرن و رزگارکرنا سەجاد عیراقی بگرنە بەر، هەروەسا هێزێن دژە تیرورێ ڕاسپاردن هەتا بچن ژبوی پارێزگەها زیقار داکو سەجاد عیراقی رزگاربکەن و ئەو کەسێن کو ناڤبری ڕەڤاندیە دەستەسەر بکەن.
No comments:
Post a Comment