ئەو خێزانا کوردا ل بەغدا هاتیە سەرژێکرن دێ ل سلێمانیێ هێنە ڤەشارتن - پرس بادینی

إعلان فوق المشاركات

 ئەو خێزانا کوردا ل بەغدا هاتیە سەرژێکرن دێ ل سلێمانیێ هێنە ڤەشارتن

ئەو خێزانا کوردا ل بەغدا هاتیە سەرژێکرن دێ ل سلێمانیێ هێنە ڤەشارتن



 پرس بادینی


خێزانا کورد ئەوا شەڤێدی ل باژێرێ بەغدا هاتینە سەرژێکرن، بریارە ئیرۆ ل باژێرێ سلێمانیێ و ل گرێ سەیوان وەرنە ڤەشارتن و گۆڕێ وان ژی هاتیە ئامادەکرن.


چاڤکانیەکێ ژ کەسوکارێن ئەوێ خێزانێ ژبوی پرس میدیا گوت، هەر ل شەڤا دەربازبوی دەست ب ئامادەکاریێن ڤەگەڕاندنا تەرمێن وان هاتیە کرن و ل گرێ سەیوان گۆڕ ژ بوی وان هاتینە ئامادەکرن.


هەڤدەم چالاکڤانێن عیراقێ، "داخوازی ژ سەرۆک وەزیرێن عیراقێ مستەفا کازمی دکەن، ڤەکولینێ لسەر تیرورکرنا شیلان دارای بکەت و ب توندی ئەنجامدەرێن وێ تاوانێ سزابدەن".


ل تۆڕێن جڤاکی چالاکڤانێن عیراقێ کارڤەدان لسەر سەرژێکرنا کچا چالاکڤانا کورد و دەرمانساز، شیلان دارا ڕەئوف و دەیک و بابێن وێ ل ناوچەیا مەنسورا ڕۆژئاڤایێ بەغدا نیشاندانە.


چالاکڤانێن عیراقێ ل تۆڕێن جڤاکی ڕاگەهاندنە، کو شیلان دارا ڕەئوف و دەیک و بابێن وێ دناڤا مالا وان دا ل بەغدا سەرژێکرنە و دزی ژێ کرنە.


د چوارچوڤێ کارڤەدانان دا، چالاکڤانێن عیراقێ مێلیشیاتێن عیراقێ ئەوێن سەر ب ئیرانێ ڤە بتیرورکرنا شیلانێ و دەیک بابێن وێ تومەتباردکەن، چونکە ئەو خێزانە وەسا هاتبو ناسکرن کو پشتەڤانیا خوەپێشاندنان کریە، زێدەباری وێ یەکێ ژی ماڵا ئەوێ کچێ دکەڤیتە ناوچەیەکا پاراستی یا ئەمنی دناڤبەرا بالیۆزخەنەیا ڕووسیا و بەحرەین و چو کەس نەشێن ئەوێ تاوانێ ئەنجامبدەن ژبلی مێلیشیاتان.


هەروەسا چالاکڤان داخوازێ ژ سەرۆک وەزیرێن عیراقێ، مستەفا کازمی دکەن، ڤەکولینێ لسەر ڤێ تاوانا نەمروڤانە بکەت و ب توندی ئەنجامدەران سزا بدەت.


ژ ئالیێ خوڤەژی هەردوو سەندیکایێن دەرمانسازی و پزیشکی یێن عیراقێ ژی ل دوو ڕاگەهاندنێن جودادا تیرورکرنا شیلانێ و دەیک و بابێن وێ ئیدانە دکەن و سەرەخوشیێ ئاراستەی بنەمالا وان دکەن.


بەریا نها چاڤکانیەکا ئەمنی ڕاگەهاندبوو کو ژمارەیەکا نەناسکری چونە سەر مالەکا کوردا و ل پشت بابلیۆن مۆڵ ل ناوچەیا مەنسورا ڕۆژئاڤایێ بەغدا و سێ کەس سەرژێکرنە، کچ و دەیک و باب.


د دەما ڤان چەند مەهێن داویێ دا، کردارێن تیرورکرنا چالاکڤانێن خوەپێشاندانان ل عیراقێ زێدەبویە.


No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©