پرس بادینی
ل ژێر ناڤونیشانێ ئاگەهدارکرنا پێشوەختی ڕۆڵێ خانمان لسەر دروستکرنا ئاشتیێ ل رۆژا ئەینی ٢٥ی ئەیلولێ ب هەماهەنگی دگەل نەتەوەیێن ئێکگرتی ل باژارێ سلێمانیێ وورکشۆپەک ئەنجامدان.
مەدیاکارێکی پرس میدیا وەکو نوینەرێ پرس بەژداری وی وورکشۆپی بوو، وورکشۆپ ژبوی پشتەڤانیکرنا ئافرەتان دگەل سندوقا پشتەڤانیێ ژبوی خانمان برێڤە چوو.
دکتورە نەبراس مەممووری سەرۆکا باوەرپێکریا ڕاگەهاندنا عیراقێ لسەر وورکشۆپێ بو پرس میدیا گوت، جوانترین خالا ئەڤی وورکشوپی ئەوە فەرمانگەها رێکخراوێن نەحکومیێن سەرب جڤاتا وەزیرێن عیراقێ ڤە ژی بەژدارن تێدا.
وورکشۆپ ژ چەند برگەیان پێکهاتبوو ژ وانا ژی ئاگەهدارکرنا بلەز، ڕەگەزان، چاوانیا کارکرنێ و ڕۆڵێ خانمان بخوە د خوپاراستنێ و ئاگەهدارکرنا بەروەخت دا.
هەر ئێک ژ وەفا نعێمی نوینەرا نەتەوەیێن ئێکگرتی، محەمەد تاهر تەمیم وەکو نوینەرێن رێکخراویێن نەحکومیێن عیراقێ بەژداربون.
لسەر ئاستێ پارێزگەهێن سلێمانی، هەولێر، دهوک، موسل و بەغدا بەژداربون، ئارمانجا سەرەکیا وورکشوپێ چاوانیا پەرەدان بو لسەر شیانێن میدیایێ یێن خانما ل سەر هەمو ئەوان بوارێن کو دگەلدا دگونجیت.
No comments:
Post a Comment