پرس بادینی
سەرۆکێ بەرێ یێ دەستەیا وەربەرهێنانی ل کەرکوکێ ڕاگەهاند، بزاڤێن وێ یەکێ دهێنە کرن وەکو پوستێن دی سەرۆکێ دەستیا وەبەرهێنانێ ژ کوردان وەربگرن و بدەنە نەتەوەیەکا دن یا وی باژێری.
فەلاح بەزاز سەرۆکێ بەرێ یێ دەستەیا وەبەر هێنانێ ل کەرکوکێ ڕاگەهاند، "ژ سەرجەمێ ١٠٨ پوستێن ئیداری و ئەمنی ل کەرکوکێ، بتنێ ٣٣ پوست د دەستێ کوردان دا مانە، دگەل وێ یەکێ ژی بزاڤ دهێنە کرن سێ پوستێن دن ژی ژ کوردان وەرن ستاندن کو دیارترینا وان ژی پوستێ سەرۆکایەتیا دەستەیا وەرەبهێنانێ یە".
فەلاح بەزاز بەحس ل وێ یەکێ ژی کر "پوستێن کەرکوکێ دابەشکرینە، دڤیا ب رێژا ٣٢% بسەر پێکهاتەیان وەرن دابەشکرن، بەلێ لسەرجەمێ شەش رێڤەبەرێن گشتی، چوار پوست ب عەرەبان هاتنە دان و کورد و تورکمان ژی هەر ئێکی پوستەک پێ هاتیە دان".
پشتی روودانێن ١٦ی ئوکتوبەرێ پوستێن ئیداری ل پارێزگەها کەرکوکێ ژ دەست کوردان هاتنە وەرگرتن.
No comments:
Post a Comment