پرس بادینی
د پروژە یاسایا بوودجەیێ سالا ٢٠٢١ێ دا زێدەتر ژ ٢٤١ هەزار پلەیێن دامەزراندنێ هاتنە جیگرکرن کو بتنێ دەرچویێن زانکو و پەیمانگەهان بخوڤە دگریت.
ناجی ئەلسەعیدی ئەندامێ لژنا دارای ل جڤاتا نوینەرێن عیراقێ ڕاگەهاند، یاسایا خانەنشینیا نۆ زێدەتر ژ ٢٤٠ هەزار پلەیێن دامەزراندنێ دروستکرنە و پێتڤی بو ئەڤ ژمارەیە د یاسایا بوودجەیا گشتی یا سالا ٢٠٢٠ێ دا بریار لسەر وەرە دان، بەلێ ب سەدەما جێبەجێنەکرنا وی پروژەیاسایێ کار پێنەهاتە کرن.
ئەلسەعیدی گوتیە ژی، پشکا شێری ژ دامەزراندنا وان ٢٤٠ هەزار کەسان ژ بوی خودان باوەرنامەیێن زانکو و پەیمانگەهانە.
ئەوی ئەندامێ لژنا دارای بەحس ل وێ یەکێ ژی کر، بوودجەیا سالا ٢٠٢٠ێ بوودجەیەکا تەشغیلی بو، بەلێ بوودجەیا ٢٠٢١وێ جیاواز بیت و پتریا پرسان ب خوەڤە گرێددەت.
هەرچەندە پلانا نها یا حکومەتا عیراقێ ئەوە، بوودجەی ژبوی ماوێ سێ سالێن دەهاتی پەسەندبکەت، بەلێ ئەوی ئەندامێ لژنا دارای بتنێ ئاماژە ژبوی سالا ٢٠٢١ێ کریە و روونژی نەکریە، دابەشکرنا ئەوان ٢٤٠ هەزار کەسان بسەر پارێزگەهاندا وێ چاوا بە و ل چ وەزارەتەکێ بن.
No comments:
Post a Comment