پارێزگارێ دهوکێ دەربارەی زێدەگاڤیان لسەر مولکێ گشتی پەیامەک ڕاگەهاند - پرس بادینی

إعلان فوق المشاركات

 پارێزگارێ دهوکێ دەربارەی زێدەگاڤیان لسەر مولکێ گشتی پەیامەک ڕاگەهاند

پارێزگارێ دهوکێ دەربارەی زێدەگاڤیان لسەر مولکێ گشتی پەیامەک ڕاگەهاند

 

پرس بادبنی


پارێزگارێ دهوکێ دەربارەی زێدەگاڤیان لسەر موڵکێ گشتی ڕاگەهاند، "ل گۆڕەی وێ یاسایا حکومەتا هەرێمێ پەیڕەو دکەت ئەم دێ ڕێکارێن توندتر بکارئینن، و دێ ڕێکێ ل هەمو زێدەگاڤیان گرین، هەر کەسێ پێگر نەبیت دێ بتوندی هێتە سزادان".


سحاریا ئیرو ٦ی ئەیلولا ٢٠٢٠ێ، د.عەلی تەتەر پارێزگارێ دهوکێ د پرێسکونفڕانسەکێ ڕوژنامەڤاندا ڕاگەهاند "ئەم وەکو ئیدارا پارێزگەها دهوکێ دگەل قەیمقامێن دهوک و سێمێلێ و ڕێڤەبەرێن ناحیا و ڕێڤەبەریێن پەیوەندیدار  لسەر زێدەگاڤیێن تێنە کرن لسەر مۆلکێ گشتی کومبونە، و مەبریار دایە ل گۆڕەی یاسایا پاراستنا ژینەگەهێ و مۆلکێ گشتی توندتربین و رێکێ ل زێدەگاڤیان بگرین".


پارێزگارێ دهوکێ بەحس ل وێ یەکێ ژی کر، د ڤێ کومبونێ دا مە بەرپرسێن خو ئاگەهدار کرن هەر کەسێ زێدەگاڤیێ لسەر مۆلکێ گشتی بکەت ب توندی بهێتە سزادان، چونکە دبیتە ئاریشە بو ئەنجامدانا پرۆژەیێن حکومەتێ، و وەکو پێتڤی پرۆژە ناهێنە جێبەجێکرن و هەر دیسان تێکدانا ژینگەهـ و جوانیا وەلاتێ مە، وەکی دروستکرنا جادا و باغچا و دیسان سوتن و ژناڤبرنا دارستان و پاوانا و هەر پڕۆژەیەکێ دن یێ حکومەتێ.


عەلی تەتەر، د هەمان پرێسکۆنفرانس دا، دەربارەی درێژکرنا ماوێ تاپوکرنا خانیێن هەولاتیان گوت، هەتا ١٠ی ١٠ ماوە هەیە و خەلک دشێت مامەلەیێن خوە پێشکێش بکەت، پشتی وی ماوەیی ئەم نەشێن چ بو کەسێ بکەین.


ل داویێ ژی پارێزگارێ دهوکێ داخواز ژ وەلاتیان کر، ئەڤێ ئاخێ ب پارێزن و خوە ب خودان بزانن، جوانیا چیاو دارستان و ژینەگەهێ ب پارێزن، داکو وەلاتێ مە جوانتر ببیت.

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©