پرس بادینی
هەر شوفێڕەکێ باڕهەلگرێ چێمەنتویێ بیت و ژ سلێمانیێ بچیتە ئەولێرێ ٣٠ هەزار دیناران ژێ وەردگرن.
ئەو شوفێرێن بارێ چیمەنتویێ روژانە ژ کارگەهێن سلێمانیێ باردکەن و ب رێکا کەرکوکێ دا دچنە هەولێرێ ل زاڵگەها شێراو یا سەر ب حکومەتا هەرێما کوردستانێ ڤە ژبوی هەر بارەکێ ٣٠ هەزار دیناران ژێ وەردگرن، ئەڤە د دەمەکێ دایە هەمان شێوازێ باری ژ زاڵگەهێن حکومەتا عیراقێ دەربازدبن و چو کوژمێن پارەی ژێ ناهێن وەرگرتن.
ئێک ژ وان شوفێرێن ژ سلێمانیێ بارێ چیمەنتویێ ڤەدگوهێزیت بو هەولێرێ ڕاگەهاندیە، کو ئەو ڕوژانە چیمەنتویێ ژ کارگەهێن سلێمانیێ بادکەن و بەرەڤ هەولێرێ د رێکا کەرکوکێ ڕا دهێن ژبوی هەر بارەکێ ٣٠ هەزار دیناران ل بازگەها شێراو ددەنە زاڵگەهێ و شنو داخل دبن.
ئەوی شوفێری گوتیە ژی زاڵگەهێن حکومەتا عیراقێ چو کوژمێن پارەی ژ وان وەرناگرن، هەروەسا بەحس ل وێ یەکێ ژی کریە کو ئەو مەهانە ٥٠٠ هەزار دیناران ددەت د دەمەکێ دا ژ سلێمانیێ بادکەن و دبەنە هەولێرێ.
ئەو شوفێری ئەو یەک ژی دیارکریە، ئەو کوژمێ پارەی ژ وان شوفێران ناهێتە وەرگرتن ئەوێن چیمەنتویێ ژ کارگەها قەرەچوخ باردکەن و دبەنە هەولێرێ، چونکە ب سەر وان ڤەیە.
No comments:
Post a Comment