پرس میدیا- تایبه‌ت
مسته‌فا كازمی سه‌رۆك وه‌زیرێن عیراقێ دگه‌ل وێ یه‌كێ كاندیدێ پتریا لایه‌نێن شیعه‌یانه به‌لێ بێكه‌سترین سه‌رۆك وه‌زیره كو چ كوتله‌یێن تایبه‌ت ب خوه‌ڤه نین ئه‌ڤێ یه‌كێ ژی مه‌ترسی لسه‌ر دووباره كاندیدكرنا وی ژ بوی خولا داهاتی یا سه‌رۆك وه‌زیرێن عیراقێ دروست كریه.
كازمی هه‌ر ژ ده‌ستپێكا ده‌ستبكاربونێ و هه‌تا نها بزاڤا چاكسازی و گهورینان د شێوازێ ئیداره‌دانا عیراقێ دا دده‌ت و وه‌سا دبینه پشتی 2003ێ و هه‌تا نها لایه‌نێن سیاسی سه‌ركه‌فتی نه‌بون د ده‌ستهه‌لاته‌كا دادپه‌روه‌ری ل عیراقێ.
لڤینێن مسته‌فا كازمی وه‌كریه، شلوڤه‌كار ب وێ ئاراستێ دا بچن كو ئه‌وی دل هه‌بیت كو كاندید ژ بوی هه‌لبژارتنێن داهاتی یێن عیراقێ ل هه‌مو پارێزگه‌هێن عیراقێ ب هه‌رێما كوردستانێ ڤه‌ژی هه‌بن.
كازمی وێ كاندید ل هه‌مو باژارێن عیراقێ هه‌بن
جه‌لال ئه‌حمه‌د ئه‌ندامێ ئه‌نجومه‌نێ سیاسیێ هه‌ڤپه‌یمانیا نشتیمانی بو "پرس میدیا" گوت، ب پشت راستی ڤه كازمی وێ به‌ژداریێ د هه‌لبژارتنێن به‌روه‌ختێن عیراقێ دا بكه‌ت ژ به‌ر وێ یه‌كێ وه‌سا دڤێت ب رێكا كاندیدێن سه‌ربه‌خو ل په‌رله‌مانی لیستێ ژ بوی خوه درێژ بكه‌ت.
جه‌لال ئه‌حمه‌د به‌حس ل وێ یه‌كێ ژی كر، هه‌موارا یاسایا هه‌لبژارتنێن عیراقێ وه‌كریه لایه‌نێن سیاسی ل شوینا لیستێ كاندید هه‌بن، ژبه‌ر وێ یه‌كێ كازمی دڤێت ب رێكا ئه‌وان كاندیدێن دناڤا جه‌ماوه‌ریدا دهێنه دیاركرن ژ بوی پوستێ سه‌رۆك وه‌زیرێن داهاتی یێن عیراقێ وه‌ربگریته‌ڤه.
ئه‌و ئه‌ندامێ ئه‌نجومه‌نێ سیاسیێ هه‌ڤپه‌یمانی وه‌سا دبینه كازمی ل هه‌رێما كوردستانێ پشتا خوه ب وان لایه‌نێن سیاسی گرێدده‌ت كو ل ده‌رڤه‌ی ده‌ستهه‌لاتێ نه و ژ وانا ژی هه‌ڤپه‌یمانیا نشتیمانی.
به‌لێ به‌رامبه‌ر وێ یه‌كێ شێخ له‌تیف مسته‌فا چاڤدێرێ سیاسیێ ره‌وشا عیراقێ به‌حس ل وێ یه‌كێ دكه، نابیت له‌ز بهێته كرن لسه‌ر باوه‌ریدانێ ب كازمی، و دبێژه جارێ نه‌یا دیاره كازمی دشێت گهورینان بكه‌ت یان ژی وێ وه‌كه سه‌ركرده‌یێن به‌ری خوبیت.
له‌تیف مسته‌فا ئه‌و یه‌ك ژی ژ بوی "پرس میدیا" گوت، هه‌تا نها ئو گهورینێن كازمی ئه‌نجامداین جیاوازیه‌كا وه‌سا زێده دگه‌ل سه‌كرده‌یێن به‌ری خو نه‌بوه ب وی ره‌نگی كه‌سایه‌تیێن تایفی و مه‌زهه‌بی داناینه.
سه‌ره‌دانا كازمی ژبوی هه‌رێما كوردستانێ ده‌نگدانه‌كا زیده ل عیراقێ ب گشتی و هه‌رێما كوردستانێ ب تایبه‌تی دروستكریه.
به‌رهه‌م سالح دڤێت ژ بوی پاراستنا كورسیا خوه كازمی بكه‌ته سه‌رۆك وه‌زیران
به‌لێ نها به‌رهه‌م سالح جوره‌كێ بێ ئه‌مێدیێ ل هه‌مبه‌ر حزبا خوه پێڤه دیاره، چونكه بو وی ئێك لابوه نابیته كاندیدێ ئێكه‌تی ژ بوی خولا داهاتی یا سه‌رۆك كومارێ عیراقێ، ئه‌ڤێ یه‌كێ ژی وه‌كریه بزاڤان دگه‌ل كازمی ب هه‌ڤبه‌شی ژ بوی وێ ئارمانجێ كار بكه‌ت.
ڤیان سه‌بری سه‌رۆكا فڕاكسیونا پارتی ل په‌ڕله‌مانێ عیراقێ دبێژه سه‌رۆك كومارێ عیراقێ دل سه‌رهندێ هه‌یه دگه‌ل كازمی ژ بوی هه‌لبژارتنێن داهاتی كاربكه‌ت ژ بوی دروستكرنا كوتله‌یه‌كا سیاسی.
سه‌رۆكا فڕاكسیۆنا پارتی زێده‌تر دبێژه سه‌ره‌دانا ڤێ داویێ یا مسته‌فا كازمی ژ بوی سلێمانیێ زێ>ه‌تر ژ بوی وێ مه‌به‌ستێ هاتبو رێكخستن.
شیره‌تكارێن وی چدبێژن؟
عه‌بدولحسێن هنداوی شبره‌تكارێ مسته‌فا كازمی سه‌رۆك وه‌زیرێن عیراقێ ژ بوی كاروبارێن هه‌لبژارتنا ژ بوی ئاژانسا فه‌رمی یا عیراقی راگه‌هاند، سه‌ره‌دانا كازمی ژ بوی هه‌رێما كوردستانێ نه سه‌ره‌دانه‌كا دووباره‌بوو، چونكه قوناغه‌كا نوی لسه‌ر تێگه‌هشتنێ ڤه‌كر و هه‌ڤكاری لسه‌ر بنه‌مایێ ده‌ستوری و به‌رژه‌وه‌ندیێن بلندێن نشتیمانی.
ناڤهاتی زێده‌تر دبێژه، سه‌ره‌دانا كازمی ژ بوی ئاماده‌كاریان بوو ژ بوی ژیانه‌كا سیاسیا ئه‌رێنی، ب ره‌نگه‌كێ خزمه‌تا ئاسانكاریان ژ بوی ده‌نگدانا په‌ڕله‌مانی لسه‌ر یاسایا هه‌لبژارتنان بكه‌ت، هه‌تا كو بشێت شیانێن كۆمسیۆنا بلندا سه‌ربه‌خویا هه‌لبژارتنان بهێزتر بكه‌ت و باوه‌ریا هه‌ولاتیان ژی لسه‌ر پرۆسا هه‌لبژارتنان بهێزبكه‌ت، ب ره‌نگه‌كێ كو پاقژ و بژین برێڤه بچن.
No comments:
Post a Comment