پرس بادینی
سحاریا ئیرۆ سێ شەمبی ٨ی ئەیلولا ٢٠٢٠ێ شاندێ بلندێ حکومەتا هەرێما کوردستانێ ب سەرۆکایەتیا قوباد تاڵەبانی، جێگرێ سەرۆکێ حکومەتێ گەهشتە بەغدا.
ئامانج ڕەحیم سکرتێرێ ئەنجومەنێ وەزیرێن حکومەتێ و ئەندامێ شاندێ هەرێمێ د هژمارا خوەیا فەیسبوکێ دا نڤێسایە کو ئەو گەهشتنە بەغدایا پایتەخت.
هڤدەم بەریا نها سەمیر هەورامی گوتەبێژێ قوباد تاڵەبانی ژبوی "پرس میدیا" ڕاگەهاندبوو ئارمانجا سەرەدانێ بەردەوامیدانە لسەر جڤینێن بەریا نها یێن هەرێم و عیراقێ ژ بوی گەهشتن لسەر رێککەفتنا ب ئێکجاری لسەر بەشێ بوودجەیا هەرێمێ.
گوتبوژی حکومەتا هەرێمێ ئامادەیا خوە دیارکریە، ڕێککەفتنێ دگەل حکومەتا فیدڕاڵی بکەت، دەربارەی پرسا داهاتێ نەفتێ و داهاتێ دەرازینکێن سنوری.
سەمیر هەورامی ئەویەک ژی ئاشکراکر، چەند لژنەیێن لاوەکی هاتنە پێکئانین هەتا لسەر هویرکاریێن یاسایێن بابەتا گۆتۆبێژان بکەن و میکانزمەکێ ژبوی جێبەجێکرنا ڕێککەفتنێ پەیدا بکەن.
No comments:
Post a Comment