پرس بادینی
ئێڤیاریا ئیرو ب سەدەما شورتەکێ کارەبێ ١٠ خیڤەت ب هەمو کەلوپەلێن ناڤ مالێ ڤە ل کەمپا چەم مشکو شەوتینە، و دەملدەست ئاگر هاتیە کونترولکرن.
سەبری محەمەد جیگرێ رێڤەبەرێ کەمپا چەممشکو ل زاخو تایبەت بو پرس میدیا ڕاگەهاند "ئێڤاریا ئیرو نێزیک دەمژمێر شەشی ئێڤاری ب سەدەما شورتەکێ کارەبێ، ل کەمپا چەممشکو ل زاخو ئاگر بەربو ١٠ خیڤەتان و ب تەمامی شەوتین.
سەبری محەمەد دیارژی کر "هەر زوو تێمێن ئاگرڤەمراندنێ گەهشتنە جهێ بوویەرێ و ئاگر هاتە کونترۆلکرن، خوشبەختانەیە چو زیانێن گیانی نەبونە، لێ خێڤەتێن وان ١٠ مالا ب هەمو کەلوپەلانڤە شەوتین".
دیارژی کر ئەگەر وەسا زوو ئاگر نەهاتبا کونتڕۆلکرن، ڕەنگە ئەو بلوکێ خیڤەتان کو ژ ٢٠ خیڤەتا پێک دهێت ب تەمامی شەوتیبان.
کەمپا چەممشکو ژ پێنج هەزار خیڤەتان پێک دهێت و دکەڤیتە سنورێ دناڤبەرا تورکیا و هەرێما کوردستانێ دا ل باکوورێ قەزا زاخو، نێزیکی ٢٦ هەزار و ٤٠٠ مروڤ ژ موسلمان و ئێزدیێن شنگال و ناوچێ تێدا نیشتەجێنە.
No comments:
Post a Comment