پرس بادینی
سەرۆکێ دەستەیا مافێ مروڤی ل هەرێما کوردستانێ ڕاگەهاند، هەتا نها ٢٠ دەستەسەرکریێن خوپێشاندانا هەولێر و دهوکێ نەهاتنە ئازادکرن و د زیندانێ دا نە.
زیا پترۆس سەرۆکێ دەستەیا مافێ مرۆڤی ل هەرێما کوردستانێ ژبوی "پرس میدیا" ڕاگەهاند، د دەما خوپێشاندانێن ئەڤێ داویێ ل باژارێن هەرێمێ دا چەندین خوپێشاندەر و ڕۆژنامەڤان هاتنە دەستەسەرکرن بەلێ هەتا نها ٢٠ کەس نەهاتنە ئازادکرن.
زیا پترۆس گوت ژی، ل سنورێ سلێمانیێ و بتنێ ل باژارێ ڕانیە ١٠٠ خوپێشاندەر دەستەسەرکرنە و هندی ئەوان زانیاری هەین چ نەمانە دەستەسەرکری و هەمی هاتنە ئازادکرن.
سەرۆکێ دەستەیا مافێ مرۆڤی ل هەرێمێ گوت، زێدەترین خوپێشاندەر ل سنورێ دهوک و زاخو دەستەسەرکرنە بەلێ هەتا نها ١٢ کەس نەهاتنە ئازادکرن.
زیا پترۆس گوت ژی، ل زاخو ٤٦ کەس دەستەسەرکربون نها ١٠ کەس ماینە، ل گۆڕەی یاسایا خوپێشاندانان ژ ئالیێ پولیسان ڤە ل ژێر ڤەکولینیێ دانە، ل دهوکێ ٤٢ کەس بوون بەلێ نها دوو کەس ماینە، ئەو هەردوو کەسەژی ل دیف ماددێ دوو یێ خراب ب کارئینانا ئامیرێن پەیوەندیێ دەستەسەرکرینە، ل باژارێ هەولێرێ ژی ٧٢ کەس دەستەسەرکرینە و هەتا نها ٨ ژوان دەستەسەرکریا نەهاتنە ئازادکرن.
هەروەسا ئاماژە ب وێ یەکێ ژی کر، چو کەسان لسەر دەستەسەرکرنا کادر ە ئەندامێن خوە پەیوەندی ب دەستەیاوان نەکریە بتنێ لسەر ژنەکا چالاکڤان ل هەولێرێ نەبیت، ئەوژی دیف چون ژبوی وێ کەیسێ کریە و ب یاسایا خراب بکارئینانا موبایلێ د چاکسازیا ژناندا هاتیە بەندکرن.
No comments:
Post a Comment