پرس بادینی
خالد سەلاح رێڤەبەرێ گشتیێ دەستەیا گومرکێن عیراقێ ڕاگەهاند، د ماوەیێ چەند مەهێن بهێت دا، ب ڕەنگەکێ بەچاڤ داهاتێ گومرکان ل هەمو دەرازینێن سنوری وێ زێدە ببە.
ڕێڤەبەرێ گشتیێ دەستەیا گومرکێن عیراقێ د لێدوانەکا ڕۆژنامەڤانیدا بەحس ل وێ یەکێ کر، د چەند مەهێن بهێت دا داهاتێ گومرکان ل هەمو دەرازینکێن سنوری وێ ب ڕێژا ٤٠% زێدەبیتن.
گوتیە ژی "مە پلان یا دەینای ژبوی چارەسەریا لێکەفتێن ڤایرۆسێ کۆرۆنایێ ڵ دەرازینکێن سنوری، ئەڤە زێدەباری نەرمکرنا رێکار و دابینکرنا پێتڤیێن سەلامەتیا تەندروستی ژبوی بازرگانان ل دەرازینکێن سنوری".
هەڤدەم مازن محەمەد عەلی رێڤەبەرێ گومرکێن ئوم قەسر ل باشورێ بەسرە، ڕاگەهاند داهاتێ گومرکێن ئوم قەسر ژبوی مەها ئابا دەربازبوی ٢٧ ملیار دینار بوە.
مازن محەمەد ئاشکرا ژی کریە، کو داهاتێ گومرکێن ئوم قەسر د مەها دەربازبوی دە، ب رێژەیا ٣٠%ێ زێدەکریە و گەهشتیە ٢٧ ملیار دیناران.
No comments:
Post a Comment