پرس بادینی
سوپایێ پاسدارێن ئیرانێ ده‌رباره‌ی رێككه‌فتنا ئاسایكرنا په‌یوه‌ندیێن دناڤبه‌را ئیسرائیل و به‌حره‌یێنێ دا راگه‌هاند "بلا به‌رپرسێن جه‌لادێن به‌حره‌یێنێ چاڤه‌ریێا تولڤه‌كرنا تژی ئازارا موجاهدینێن قودس و خه‌لكێ موسلمان یێ وی وه‌لاتی بن".
وی سوپای ب رێكا راگه‌هاندنه‌كێ راگه‌هاند، حكومه‌ت و ده‌ستهه‌لاتا به‌حره‌یێنێ ب "خیانه‌تكرن" تومه‌تباردكه‌ن.
سوپایێ پاسداران، سه‌رنج ژ بوی وێ یه‌كێ راكێشا كو حكومه‌تا مه‌نامه، د بن فشارا ئه‌مریكا دا ئیرادا خه‌لكێ خوه بن پێ كریه و ئه‌و رێككه‌فتن ئه‌نجامدایه.
هه‌ر ب رێكا وی راگه‌هاندنێ سوپایێ پاسداران ئاماژه ب وێ یه‌كێ ژی كریه، ئه‌وێ رێككه‌فتنێ چو شه‌رعیه‌ت نینن "به‌رپرسێن ئه‌ڤێ خیانه‌تێ، دبنه ئارمانجا توره‌بونا پیروز و تولڤه‌كرنا توند یا خه‌لكێ شیعه مه‌زهه‌بێن به‌حره‌یینێ و ئومه‌تا ئیسلامێ، بلا به‌رپرسێن جه‌لادێن به‌حره‌ین چاڤه‌رێیا تولڤه‌كرنا پر ئازارا موجاهیدێن قودسێ و خه‌لكێ موسلمانێن ئه‌وی وه‌لاتی بن".
سوپایێ پاسداران هوشداری دایه به‌حره‌ین لسه‌ر ڤه‌كرنا كه‌نداڤا ستراتیژیا به‌سره و ده‌ریایا عومانێ د روویێ به‌رژه‌وه‌ندیێن ئیسرائیلێ دا.
No comments:
Post a Comment