قوتابیەک: بلا وەزیرێ پەروەردێ لسەر ڕەوشا خوەیا ماددی بریارێ لسەر سیستەمێ خواندنێ نەدە - پرس بادینی

إعلان فوق المشاركات

قوتابیەک: بلا وەزیرێ پەروەردێ لسەر ڕەوشا خوەیا ماددی بریارێ لسەر سیستەمێ خواندنێ نەدە

قوتابیەک: بلا وەزیرێ پەروەردێ لسەر ڕەوشا خوەیا ماددی بریارێ لسەر سیستەمێ خواندنێ نەدە


 

پرس بادینی


ماموستا و قوتابین هەرێما کوردستان ب چو ڕەنگا دگەل سیستەمێ ئونڵاین نینن و ئەو دبێژن ب سەدەما ڤان قەیرانێن هەرێم توشبوی بەشەکا زێدەیا خەلکی شیانێن دابینکرنا پێتڤیێن خواندنا ئونڵاین وەکو کومپیوتەر، موبایل یان ژی ئایپاتان نینن، نابیت وەزیر لسەر رەوشا خوەیا ماددی بریارا بدەت، و بەشەک ژی دبێژن ژیار و ساخلەمیا خەلکی گرنترە ژ خواندنێ لێ دهەمان دەمدا پێتیڤە حکومەت و وەزارەتا پەروەردێ دگەل دەرێخستنا بریارەکا ب ڤی ڕەنگی دیراسین باشتر بکەت و پێتڤیێن وەکی کارەبەکا بەردەوام، ئەنتەرنێتەکا باشتر و لسەر بهایەکێ گونجای و کەشەکێ باشتر ژبوی قوتابیان دروست بکەن.


وه‌هبی یونس تێلی  ماموستا و بەرپرسێ ئێکەتیا ماموستایان لقێ دهوک دەربارەی خوندنا ئونلاین د لێدوانەکێ دا ژبوی پرس میدیا گوت "پێشتر مە پێشنیارێن خوە ئاراستەی وەزارەتێ کربون کو سێ ڕۆژان دەوام بهێتە کرن و سێ ڕۆژان براوەستیت، و ب دوو وەجبا بچن دەوامێ، بەلێ ڤایرۆسێ کۆرۆنایێ زێدەتر زاڵبوو بسەر خەلکی دا و بتەمامی بەربەلاڤبوو، ژبەر وێ یەکێ بریارا سیستەمێ ئونلاین ژ ئالیێ وەزارەتێ ڤە هاتە دەرێخستن.


ماموستا وەهبی بەحسا وێ یەکێ ژی کر، هەر ژ دەستپێکێ ئەم وەکو ئێکەتیا ماموستایان ب چو ڕەنگا دگەل سیستەمێ ئونلاین نەبوینە، ژبەرکو خەلکێ مە ل وی ئاستی نینە کو هەمو قوتابیان ئامریێن زیرەک ب خوڤە هەبن، ڕەنگە مالێ هەموی ئێک لابتوپ هەبیت، یان ژی ئەنتەرنێتا وان ب هەیڤا دێ خلاس بیت و پێچێنابیت ئەنتەرنێتێ داگرن و کارتێ بکرن، هەتا کو هندەک گوند یێن هەین تا نها هێلێن ئەنتەرنێتێ نەگەهشتینێ، و ئەڤە د دەمەکێ دایە قوتابخانەیێن مە زەختەکا زێدە لسەرە، و هندەک قوتابخانە دوو هەتا سێ دەواما تێدا دهێنە کرن و سیهـ تا چل قوتابیان د ئێک پولادانە، ڤێجا قوتابخانەیێن مە ژی ل وی ئاستی تەندروستی نین، هندەک وەسا قەپاتن هەوا لێنادت و بتەمامی نە تەندروستن.



ئازاد مەحمود عمر ماموستایێ قوتابخانا نەتەوە یا کۆڕان ل سێمێلێ تایبەت ژ بوی "پرس میدیا" سەبارەت سیستەمێ خواندنا پەروەردێ ل هەرێما کورستانێ یێ سالا خواندنا 2020_2021 ێ بشێوێ ئونلاین دبێژە، "چ پێنەڤێت دڤیابا ل پێش وەخت حکومەتێ خەلک ڕێک ئێخستبا و هایداری ڤێ چەندێ کربایە و دیارکربا کو ڕۆژەک دێ هێت ئەو دێ پێتڤی ب شێوازێ ئونلاین بن، بەلێ ب مخابنی ڤە نەبونا پلان و هەر دیسان نەبونا کەسێ ژ هەژی ژبوی جهێ ژ هەژی، و د هەمان دەمدا پشت گوهڤەهاڤێتنا وەلاتیان ژ ئالیێ حکومەتێ ڤە، ڕاستە کۆرۆنا ئیناینە دهەبوونێ دا و ئەڤە ژی جیهانییە و ئەوا کونترۆلێ ل مە هەمیان دکەت، لەوا نەچار بووینە دویر بکەڤین ژ هۆلێن خواندنێ".


ماموستا ئازاد ئاماژە ب وێ یەکێ ژی کر، ئەوا ژ هەمویێ گرنگتر ئەوە، سەمیانێن بەشەکا زێدەیا قوتابیان نەشێن وان پێتڤیا بو زارۆکێن خوە دابین بکەن، سەدەمێن ڤێ ژی ژبوی بێ مووچەی و قەیرانێن ئابووری و دارای ڤەدگەریتە ڤە، نەیا بەر ئاقلە ب ڤێ ڕێکێ خواندن بگەهیتە هەمو مالان.


هەر لسەر ڤی بابەتی قوتابیەکێ نه‌خواست ناڤێ وی وه‌ره‌ گوتن بو پرس میدیا گوت "بلا وەزیر و دەستەکا وەزارەتێ لسەر رەوشا ژیارا خوە و دیتنا شیانێن خوەیێن ماددی و مەعنەوی بریارا نەدەت، بلا لسەر ڕەوشا ماددی یا مالێن هەژار و تایبەت ئەوێن چەندین قوتابی دئێک مالدا هەی بریارێ بدەت، خواندنا ئونلاین چ مفا ژبوی قوتابیان نینە، ژبەرکو نە قوتابیێن مە ل وی ئاستی نە و زانستی دخوازن، نەژی شیانێن وان ل وی ئاستی نە هەمو پێتڤیان ژبوی ڤی جورێ خواندنێ پەیدا بکەن".


هەر وی قوتابی ب رێکا مالپەرێ مە داخوازەک ئاراستەی وەزارەتا پەروەردێ کریە و گوتیە، ئەم بخوە هەژارن، هەر سالەکا دچیت ژ تەمەنێ مە دچیت هیڤیدارم خواندنا مەیا ئەڤ سالە ب هەروەی نەبن و میکانزمێن باشتر بکار بینن، دگەل وێ یەکێ قوتابیان نەچاری ڕێکارێن خوپاراستنێ ژی بکەن.


ئەڤە د دەمەکێ دایە، وەزارەتا پەروەردێ چەند بریارەک دەربارەی خواندنا ئەڤ سالە ٢٠٢٠ و ٢٠٢١ێ دەرێخستن و ل گورەی بریاراوان وێ خواندن هەتا وەرزێ ئێکێ ب شێوازێ ئونڵاین برێڤە بچە، بتنێ قوتابین پولا ئێکێ و دووی سەرەتای و دوازدێ ئامادەی وێ د هولێن خواندنێ دا دەوامێ بکەن.


هەر لسەر ڤی بابەتی پرس میدیا ڤیا بوچونا وەزیرێ پەروەردێ ژی وەربگریت لێ وەزیرێ پەروەردێ بەرسڤا پرس میدیا نەدا.


No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©