پرس بادینی
سوپایێ عیراقێ ڕاگەهاند، د ئۆپەراسیۆنەکێ دا هێزێن سەر ب دەزگەهێ هەواڵگریا سەربازی، بەرپرسێ شانەیا نڤستیێن داعش ل سنورێ قەزا مەخموور ل باشوورێ رۆژهەلاتا پارێزگەها نەینەوا دەستەسەرکر.
ل گۆڕەی ڕاگەهاندنەکێ شانەیا ڕاگەهاندنا ئەمنیا سەر ب ئۆپەراسیونێن هەڤبەشێن عیراقێ ڤە، هێزەکا سەر ب هەواڵگریا سەربازی ل فرقەیا ١٤ و هێزەکا فەوجا هەواڵگریێ، هەروەسا هێزەکا فەروجا دوو ل لیوا ٥١ یا پیادە، ئێک ژ مەترسیدارترین سەرکردەیێن داعش ل ناحیا قەراجا سەر ب قەزا مەخمورێ ڤە ل باشوورێ ڕۆژهەلاتا پارێزگەها نەینەوا دەستەسەرکرن.
د ڕاگەهاندنێ دا ئاماژە ب وێ یەکێ کریە، ئەو چەکدارێ دەستەسەرکری، بەرپرسێ شانەیا نڤستیێن داعش بووە ل سنورێ قەزا مەخمور، کۆڕەکێ وی د دەما ئۆپەراسیۆنا کونترۆلکرنێ دا هاتیە کوشتن و برایەکی وی ژی ب سەدەما ئەنجامدانا تاوانێن "تیرورستی"سزایێ ٢٥ ساڵێن زیندانکرنێ بسەردا هاتنە سەپاندن.
ئەویەک زی روونکریە، چەکدارێ دەستەسەرکری ئێک بووە ژ وان کەسێن کو ل دیف ماددی چوار یێ تیرورێ ژ ئالیێ دادگەهێ ڤە داخوازکریە و فەرمانا دەستەسەرکرنا وی ژی دەرچوویە.
No comments:
Post a Comment