پرس بادینی
وەزارەتا وزە و چاڤکانیێن سروشتی یێن تورکیا ڕاگەهاند، ڤەگەریانا کەشتیا ئۆروچ ڕەئیس ژبوی ڤەکولینێ لسەر بیڤەلەرزناسیێ ژبوی بەندەرێ تورکیا کارەکێ ڕۆتینە و مەهانە دهێتە ئەنجامدان.
وەزارەتا وزە و چاڤکانیێن سروشتی ل تورکیا د هەژمارا خوەیا فەرمی یا تویتەری دا بەلاڤکریە، کەشتا ئۆروچ ڕەئیس ژ ١٠ی ئابێ دەست ب کارێن خوە کریە ل دەریایا ناڤەراست و نها ژی ل سێ هەزار و ٥٢٥ کێلۆمەتران زانیاری کومکرینە.
د ڕاگەهاندنێ دا تەکەز ل وێ یەکێ کریە وەکو بنەمایێن کارێ کەشتیێ مەهانە ئێک جارێ ب مەرەما نوژەنکرنێ جهگورکیا کارمەندان و ئامادەکاریێن دیتر ژبوی بەندەری ڤەدگەریتەڤە.
وەزارەتا وزە و چاڤکانیێن سروشتیێن تورکیا باس ل وێ یەکێ ژی کریە کو تورکیا ب پشتەڤانیا یاسایا ناڤدەولەتی وێ بەردەوام بە لسەر کاروچالاکیێن خوە د دەریایا ناڤەراستدا.
بەریا نها ئاژانسا فرانس پرێس بەلاڤکریە، ب سەدەما هەرەشەیێن ئەوروپا لسەر تورکیا وێ کەشتیێ ئاڤا یۆنانێ ب جی هێلایە و بەرەڤ بەندەرێ تورکیا رێگرتیە.
No comments:
Post a Comment