پرس بادینی
دەستەیا عیراقێ ژبوی کونترولکرنا چاڤکانیێن تیشکدەر ئاشکرا کر، ب فەرمانەکا دیوانی لژنەیەک پێکئانیە ژبوی دەستپێکرنا دروستکرنا ویستگەهەکا ئەتومی بو مەرەما ڤەکولینێ.
حسێن لەتیف، سەرۆکێ دەستەیا کونترولکرنا چاڤکانیێن تیشکدەر ژبوی ئاژانسا نووچەیێن فەرمی "العراقیە" گوتیە، مستەفا کازمی سەرۆک وەزیرێن عیراقێ د جڤینا ڤێ داویێ دا دگەل لایەنێن فەرەنسا بەحس کریە، هەروەسا لژنەیەک ب فەرمانا دیوانێ پێکئانیە ژبوی دەستپێکرنا دروستکرنا ویستگەهێن ئەتومی.
بەحس ل وێ یەکێ ژی کریە، عیراق بزاڤا وێ یەکێ دکە پێگەهێ خوەیێ زانستی یێ ئەتومی ڤەگەرینیتە ڤە کو ل سالێن حەفتێ و هەشتێ یا د سەدەیێ بوریدا هەبوو، هەروەسا ئاژانسا ناڤدەولەتی وزەیا ئەتومی و جڤانا ئاسایشێ پشتەڤانیا ئەوی کاری دکەن.
حسێن لەتیف گوتیە دروستکرنا وێستگەها ئەتومی دێ هەڤکار بیت لسەر بوارێ پزیشکی و دەرمانسازی و گەشەپێدانێ د چەندین بوارێن کشتوکالی و پێشەسازی، وەکی بوارێن توڤێ روەکان و بەرەڤانیکرنا مێرییان، ٢٠ ماددەیێن ئەتومی هەنە کو د هەمو بوارێن جیاوازد دا بکار تێن و ئەو تاقیگەهە دشێن بەرهەم بینن.
حسێن لەتیف تەکیدێ ل وێ یەکێ ژی دکە، عیراق پێتڤی ب ئاڤاکرنل وێستگەها ئەتومی یا ڤەکولینێ هەیە، ئەوژی ب قەبارێ ١٠ مێگا، دگەل دروستکرنا نەخوشخانەیەکا وەبەرهێنانێ ژبوی پزیشکێن ئەتومی ب ڕەنگەکێ کو ل وێستگەهێ نێزیکبیت، دروستکرنا ئەوێ ویستگەهێ ژی پێنج سالان درێژدبە.
No comments:
Post a Comment