پرس بادینی
دڕەنگیا ئەڤ شەڤە چەند جاران دەنگێن مەزن ل نێزیک باڵافڕخانەیا هەولێرێ هاتنە بهیستن، و ئاگر بەربو پوش و پەلاشێ ئەوێ ناوچێ، شاهد حال ژی دبێژن ئەڤ موشەکە ژ موسلێ هاتنە ئاراستەکرن بو حزبا دیموکراتیا ئیرانی.
نێزیک دەمژمێر نەهی ئەڤ شەڤە چەند موشەکەک نێزیکی ٥ کێلومەترا دووری باڵا فرخانەیا هەولێرێ کەفتنە خوارێ و چەندێن دن ژی نێزیک گوندێ گردە چال کو کەمپا پەنابەرێن ڕۆژهەلاتا کوردستانێ و حزبا دیموکراتا ئیرانێ ل وێرێ یە کەفتنە خوارێ.
هێزێن هەڤپەیمانیا ناڤدەولەتی ژی دبێژە هێرش هاتیە کرن و چەند موشەکەک نێزیک بنگەهێ وان کەفتنە، بەلێ تو زانیاریێن دن خویا نەکرنە.
چاڤکانیێن ئاگەهدار ژی ئاماژێ ب وێ یەکێ دکەن، ئەڤ چەند موشەکە ژ ئالیێ حەشدا شەعبی ل موسلێ ڤە هاتنە ئاراستەکرن، بو حزبا دیموکراتا ئیرانی.
ئەڤە د دەمەکێ دایە مەدیایێن عەرەبی ڕاگەهاندنە، کو ئەڤ موشەکە هاتنە ئاراستەکرن بو حزبا دیموکراتا ئیرانی ل هەرێما کوردستانێ، د هەمان دەم دا مەدیایێن ئیرانی دبێژن، کو ئەوان موشەک ئاراستەی کۆنسۆلخانەیا ئەمریکا کرنە.
چاڤدێرێن سیاسی ژی دبێژن، هەمان ئەو گروپن ئەوێن بەردەوام ل بەغدایێ هێرشی بالیۆزخانەیا ئەمریکا دکرن، ئەو گروپە دخوازن بێژنە ئەمریکا هەولێر ژی عیراقە و جهێ وە ل وێرێ ژی نینە.
هەر ب ڤی سەدەمی ژی رێکا دناڤبەرا هەولێر و موسلێ دا ب ئێک جاری هاتە گرتن، و رێک ب چوو کەسان ناهێتە دان نە ژ هەولێرێ ب دەرکەڤن و نەژی بچنە هەولێرێ.
No comments:
Post a Comment