پرس بادینی
نڤیسینگەها پارێزەریا مەلا بەختیار ئەندامێ ئەنجومەنێ بلندێ سیاسی و بەرژەوەندیا ئێکەتی ڕاگەهاند، وێ سکاڵایێ لسەر سایتێ KNN و چەند ڕاگەهاندنکارەکێن بزاڤا گۆڕان تومار بکە.
د ڕاگەهاندنەکێ دا نڤیسینگەها پارێزەرییا مەلابەختیار بەحس ل وێ یەکێ کر، کو هەرئێک ژ بریار نامیق و جەلال مەسۆیی ڕاگەهاندن کارێن بزاڤا گۆڕان تەشهیر و نافزراندن د بەرنامەیەکێ سایتێ KNN دا بەرامبەر مەلا بەختیار کرینە.
د بەشەکێ دن یێ وێ ڕاگەهاندنێ دا هاتیە "ڕۆژا ئێک شەمبی ٢٠٢٠/٩/٢١ ل دادگەها ڤەکولینا سلێمانیێ دا و ل گۆڕەی یاسایا کارێ ڕۆژنامەڤانی سکاڵایێ لسەر سایتێ KNN و بریار نامیق ئامادەکارێ بەرنامە و جەلال مەسۆیی میهڤانێ بەرنامە، دێ تومار مەین، ب وی ڕەنگی هەرسێ ئالی ڕابونە ب ناڤزراندن و تەشهیر وبێرێزکرنێ بەرامبەر مەلا بەختیار".
نڤیسینگەها پارێزەری، ڕاگەهاندیە ژی، هەر کەس و لایەنەک تەشهیرێ و ناڤزراندنێ بەرامبەر مەلا بەختیار ئەنجامبدەت، ئەم دێ سکالایێ لسەر تومار کەین.
ب سەدەما چاڤپێکەفتنەکا تلەفزیونی مەلا بەختیار چەند پرسەکێن مێژووی لسەر سەرکردەیێ کوچکریێ بزاڤا گۆڕان نەوشێروان مستەفا بەحس کریە و هەر ئەوێ چەندێ وەکریە ئەندامێن بزاڤێ ب توندی بەرسڤا مەلا بەختیاری بدەن.
No comments:
Post a Comment