پرس بادینی
فەرماندەیا ئۆپەراسیونێن نەینەوا یێن حەشدا شەعبی دەربارەی هێرشێن مووشەکی یێن شەڤا دەربازبوی بو سەر هەولێرێ روونکرنەک بەلاڤکر و دبێژە، "ئەو ناوچەیا مووشەک تێدا هاتین ئاراستەکرن ناوچەیەکا چولە".
فەرماندەیا ئۆپەراسیۆنێن حەشدا شەعبی ل نەینەوا د روونکرنەکێ دا خوەیا کر "دەربارەی ئاراستەکرنا مووشەک و ئامانجگرتنا هەولێرێ، دیفچون ژبوی لێدوان و هەلویستان کریە، و سەرسورمانن دەربارەی هندەک کارڤەدانێن بلەز و رووندکەین، کو ئەو ناوچەیێن مووشەک تێدا هاتینە ئاراستەکرن، ناوچەیەکا چوڵە و دکەڤێتە دناڤبەرا سێگوشا سوپا و هێزێن حەشدا شەعبی و هێزێن پێشمەرگەی دا".
ئاماژە ب وێ یەکێ ژی کریە، ڤەکولین لسەر روودانێ هاتنە کرن و د کامیرەیان دا وێنەیێ ئەوێ ترومبێلێ دەرکەفتنە ئەوا موشەک هەلگرتین، پشتی دەمەکێ دن ئەوێ جهێ لڤینا وێ ترومبێلێ و ئەو لایەنێ ئەوێ بەرپرس ل وێ بویەرێ د ژێر کونترولێ دایە دێ ئاشکرا کەین.
شەڤا دەربازبوی شەش مووشەک بو باڵافرخانەیا ناڤدەولەتی یا هەولێرێ هاتنە ئاراستەکرن، تو زیانێن گیانی و ماددی ل دوف خوە نە ئانینە.
No comments:
Post a Comment