پرس بادینی
دەربارەی جڤینا ئیروو یا هەرسێ سەرۆکایەتیێن هەرێم و سەرۆک کۆمارێ عێراقێ ڕاگەهاندنەک هەڤبەش بەلاڤکرن و دبێژن، هەلویستێ ئامادەبوی وەکو یەک بون لسەر گوتوبێژان ژبوی چارەسەرکرنا ئاریشەیێن هەلاویستی دناڤبەرا هەرێم و بەغدایێ و ناوچەیێن ئاریشە لسەر و داخوازێ دکەن، حکومەتا فیدڕاڵا عێراقێ میکانزمێن ئارامی و ئاسایشا ناوچەیێن ئاریشە لسەر بهێتە دەستەبەرکرن.
سێ سەرۆکایەتیێن هەڤبەش یێن هەرێم و سەرۆک کۆماریا عێراقێ ڕاگەهاندنەک هەڤبەش بەلاڤکرن و ڕاگەهاندن، "جڤین تایبەت بوو ب لسەر ڕەوشا عێراقێ ب گشتی و هەرێما کوردستانێ ب تایبەتی "ئەو یەک ژی هاتیە "دەربارەی ڕەوشا عێراقێ، جڤین ب پەڕۆشڤە بەرێخوددە ئەوی بارێ گرانێ دارای و ئەمنی و تەندروستی ل عێراقێ و هەرێما کوردستانێ هاتیە هەبونێ و پشتەڤانیا هەرێما کوردستانێ ژبوی پێنگاڤێن حکومەت و دامەزراوەیێن دەستوریێن فیدڕاڵی دووپاتکرن ژبوی پاراستنا ئاسایش و سەقامگێریا وەلاتی، بتایبەتی پەیداکرنا کەشەکێ سەقامگێر ژبوی کار و ئەرکێ نوینەرایەتیا وەلاتێن دۆست و هنارتیێن ناڤدەولەتی ل عێراقێ".
بەحس ل وێ یەکێ ژی کر "جڤینێ ئەنجامدانا هەلبژارتنێن پێشوەخت یێن عێراقێ گوتوبێژکرن و پشتەڤانیا خوە ژبوی زەمینەسازی ژبوی هەلبژارتنەکا سەرکەفتی ل عێراقێ دیارکر، "دبێژە ژی"ناوچەیێن ئاریشە لسەر و جێبەجێکرنا ماددێ ١٤٠ یێ دەستورێ عێراقێ، بەشەکێ دن یێ جڤینێ بون و ئامادەبویان هەلویستێ وان ئێک بو لسەر بەردەوامیا گوتوبێژان ژبوی چارەسەرکرنا هەمو ئاریشەیێن ئەوان ناوچا و پاراستنا مافێن هەمو پێکهاتان و گەرەنتیکرنا کەشەکێ باش بو پێکڤە ژیانێ ل وێ ناوچێ".
ئەو یەک ژی ڕوونکر "جڤینێ پشتەڤانیا خوە بو داوی رێککەفتنا حکومەتا فیدڕاڵی یا عێراقێ و حکومەتا هەرێما کوردستانێ ژبوی ئاسایکرنا ڕەوشا شەنگاڵ و ڤەگەریانا ئاوارەییان دووپاتکرن، هەڤدەم هەمو بزاڤێن گهورینا دیموگرافیایێ ل ناوچەیێن ئاریشە لسەر رەتکرن و داخوازکر حکومەتا فیدرالا عێراقێ میکانزمەکێ ئارام و ئاسایشا ناوچەیێن ئاریشە لسەر دەستەبەر بکەت".
No comments:
Post a Comment