پرس بادینی
ڕۆژناما فاینانشیاڵ تایمز بەلاڤکریە، تورکیا د بوارێ شکەستنێ دا بویە ڕکابەرا جدی یا ئەمریکا، ئیسرائیل و چینێ.
وێ ڕۆژنامێ د نووچەیەکێ دا ئەوان درۆنانێن تورکیا دروست دکەت، دیمەنەکێ درۆنێن وان دروستکریێن تورکیای بەلاڤکری کو ب رێکا وان سوپایێ ئازربایجانێ د شەرێ دژی ئەرمینیایێ دا ل قەرەباغێ ژمارەیەکا زێدە یا پێگەهێن ئەرمینیا، سیستەمی بەرەڤانیا ئەسمانی، یەکەیێن توپ هاڤێژی و تانکا کریە ئارمانج و ژناڤبرنە.
د نووچەیێ دا بەحس لوێ یەکێ کریە کو قەرەباغ پشتی سوریا، لیبیا، باکورێ عێراقێ و خورهەلاتا دەریا ناڤەراست پێنجەم ناوچەیا شەری و پێکدادانێ یە کو درۆنێن تورکیا گەشکرنە، تورکیا ژ روویێ کرینا چەکی پێتڤی ژبوی ڕۆژئاڤا کێمکریە، و ئەنجام ٢٠ ساڵێن کارکرنێ بو بلندکرنا بەرهەمێ بەرەڤانیێ ب ئارمانجا ساخکرنا کەرامەتا نشتیمانی".
هەروەسا د هەمان نووچە دا هاتیە، کو تورکیا ل ساڵا بووری، ب بهایێ سێ ملیون دۆلاران پێتڤی و کەرەستەیێن سەربازی فروتنە وەلاتێن دن کو زوربەیا پێکهاتێن وان تانک، زرێپوش، پارچە فڕوکە، چەک تەقەمەنی بوونە، "ئەو بهایە ل ساڵا ٢٠٠٢دا ، ٢٤٨ ملیۆن دۆلاران بوە، بەرپرسان ئومێدەوارن ل ساڵا ٢٠٢٣ێ دا، ئەوی بهایێ بگەهیننە ١٠٠ ملیار دۆلاران".
No comments:
Post a Comment