پرس بادینی
ئەندامەکا بەرێ یا جڤاتا نوینەرێن عێراقێ ڕاگەهاند، دوو حزبێن دەسهەلاتدارێن هەرێمێ "گەلەک سەیرن پارتی ١٦ی ئۆکتۆبەرێ ب خیانەت دیاردکەت بەلێ دگەل ئێکەتیێ دا پێکڤە رێبەریا ریفراندۆما جودابونێ دکر".
سروە عەبدولواحد ئەنداما بەرێ یا جڤاتا نوینەرێن عێراقێ دبێژە "ئێدی بەسە موزایدەکرن ب سەر ئێک و دوو دا".
پشتی وێ یەکێ بەشەکا بەڕچاڤ ژ سەرکردایەتیا سیاسیا هەرێما کوردستانێ د ناڤەراستا ساڵا ٢٠١٧ێ دا بریارا ریفراندۆما سەربەخویێ دەرێخست، پشتی ئەنجامدانا وێ پرۆسێ و سێ ساڵ بەریا نها د ڕۆژەکا وەکی ئیروو دا هێزێن عێراقی هاتنە ناڤ باژێرێ کەرکوکێ و پشتی زنجیرەکا ئۆپەراسیۆنان ٥١%یا ئاخا کوردستانێ ژ دەستدا.
ژ ئالیێ خوڤە سەرکردەیێن پارتی وەکو "خیانەت"بەرێخوددەن روودانێن ١٦ی ئۆکتوبەرێ و وەسا دبینن"بەشەک ژ سەرکردەیێن ئێکەتی ژێربژێر ب رێککەفتنەکێ باژێرێ کەرکوکێ فروت"، بەرامبەر وێ یەکێ ژی ئەو بەشێ سەرکردایەتیا ئێکەتی دبێژن پرۆسا ریفراندومێ خەلەت بو و ئەو دگەل دا نەبون، ڤەکشیانا وان ژ کەرکوکێ "بو وێ یەکێ بو ئەو باژار وێران نەبیت و خەلکێ وێ ئاوارە نەبیت" چونکە سوپایێ عێراقێ بریارا کونترولکرنێ دا بوو.
No comments:
Post a Comment