پرس بادینی
ڕێڤەبەرێ پولیسێن هەولێرێ دەستەسەرکرنا ئەوان هەردوو تومەتبارێن شەڤا دەربازبوی ل جادەیا ١٠٠ مەترییا هەولێرێ تەقە ل ئێک و دوو کرین ڕاگەهاند.
عەمید دڵێر نەجار، ڕێڤەبەرێ پولیسێن هەولێرێ ڕاگەهاند "مە تیمەکا باش ژ هەر ئێک ل بەشێ پولیسێن ناڤ باژێری و ڕۆژهەلات و بەشێ پولیسێن هەوارهاتنێ، شیا کێمتر ژ ١٠ دەمژمێران دوو تومەتبارێن سەرەکی واتا تەقەکەرێن شەڤا دەربازبوی بناڤێ (ج.ا.ر) و (خ.ک.م) دەستەسەربکەن" ، و گوتیە ژی، ئەو هەردوو تومەتبارە ل سەر جادا سەد مەتریا هەولێرێ شەرکرنە و تەقە ل ئێکو دوو کرنە، و ئێک و دوو بریندار کرنە، هەروەسا دەست ب سەر دوو ترومبێلێن ژ جورێ بی ئێم دەبلیو ژی دا گرتنە.
بەحسا وێ یەکێ ژی کر، پەرێن ڤەکولینێ هاتنە ڤەکرن و ئەو کەسە دەستەسەر کریینە ل گۆڕەی ماددێ ٤١٣ ژ یاسایا سزادانێ.
ئاماژە ب وێ یەکێ ژی کر، پولیسێن هەولێرێ شەڤ و رۆژ د ئەرکێ خوەدانە ژبوی وێ یەکێ ئارامی یا هەولێرا پایتەخت ب پارێزن و ناهێلن چوو کەس ئارامیێ تێکبدەت.
No comments:
Post a Comment