پرس بادینی
سحاریا ئیروو سێ شەمبی ١٣ی تشرینا ئێکێ ٢٠٢٠ێ تەرمێ ئێکەم ماموستایێ ئاینی کو ل سلێمانیێ ب کۆرۆنایێ جانێ خوە ژ دەستدابوو ژ گۆڕا وی دەرێخستن و ل گورستانا سەیوان دووبارە ڤەشارتن.
ماموستا مەلا ڕەشید پێش نڤێژێ مزگەفتا خانەقا یا مەحوی بوو ل سلێمانیێ، ئێکەمین توشبویێ ڤایرۆسێ کۆرۆنایی بوو ل هەرێما کوردستانێ کو ب سەدەما ڤایرۆسی ل ڕۆژا ٤ی ئازارا ٢٠٢٠ێ وەغەرا داویێ کربوو.
ل گۆڕەی زانیاریێن پرس میدیا سحاریا ئیروو پشتی حەفت مەهـ و نەهـ ڕۆژان ل سەر داخوازا مالباتا وی تەرمێ وی هاتە دەرخستن و هاتە ڤەگوهاستن بو گرێ سەیوان و ل نێزیک گۆڕۆ بابێ وی هاتە ڤەشارتن.
ئەوا جهێ سەرنجێ یە و کەسێن نزیکی وێ مەراسیمێ بەحس لێ دکەن، تەرمێ وی ماموستای تێکنەچوبوو و جەستەیێ وی وەکی خو مابوو، کەسێن نزیکی وی ژی دبێژخ چ بهێنێن نەخوش ژ تەرمێ وی نەدهاتن و گوشتێ لەشێ وی ژی وەکە خو مابوو.
No comments:
Post a Comment