پرس بادینی
بریاردەرێ لژنا پەروەردە و خواندنا بلند ل پەڕلەمانێ کوردستانێ ڕاگەهاند، بریارە ئیساڵ ژی وەکو سالێن دەربازبوی بهایێ کریا خواندنێ ل زانکو و پەیمانگەهێن حکومی بهێتە کێمکرن.
ئەڤرۆ دووشەمبی ١٢ی تشرینا ئێکێ ٢٠٢٠ێ، گەلاڤێژ عوبێد، بریاردەرێ لژنا پەروەردە و خواندنا بلند، ل پەڕلەمانێ کوردستانێ ڕاگەهاند "بریارە ئیسال ژی وەکو سالێن بووری بهایێ کریا خواندنێ ل زانکو و پەیمانگەهێن حکومی بهێتە کێمکرن و پێتڤیە ڕەوشا ئابووری یا قوتابیان ل بەرچاڤ بهێتە وەرگرتن".
ئاماژە ب وێ یەکێ ژی کر "ساڵا بووری ب سەدەما ڕەوشا ئابووری مە داخوازکریە داشکاندن د کریا خواندنا زانکو و پەیمانگەهێن حکومی یێن هەرێما کوردستانێ دا بهێتە کرن و بریارژی هاتە جێبەجێکرن کو بهایێ کریا خواندنێ ٤٥%کێم کر، ئەڤەژی هاریکاریەکا باشە".
ئەویەک ژی روونکریە "ئەڤ ساڵەژی مە داخوازکریە حکومەتا هەرێما کوردستانێ کریا خواندنێ ب رێژا ٤٥%داشکاندنێ بو بکەت و ڕەوشا ئابووریا قوتابیێن هەرێما کوردستانێ ل بەرچاڤ وەربگریت، چونکە پێتڤیە د قوناغا نهادا ڕەوشا ئابووریا وەلاتیان ل بەرچاڤ بهێتەوەرگرتن".
ئەڤەژی پشتی وێ یەکێ دهێت، ساڵا بووری ٤٥%بهایێ خواندنا ئیڤاران و پاڕالێل ب رێژا ٤٥%کێمکریە.
No comments:
Post a Comment