پرس بادینی
مەدیایێت تورکیا بەلاڤکرن، ئەڤ شەڤە رەجەب تەیب ئەردوغان سەرۆک کومارێ تورکیا و یەنس ستۆلتنبێرگ سکرتێرێ گشتیێ ناتۆیێ جڤیان.
دەربارەی ناڤەروکا جڤینێ چو زانیاری بەلاڤنەکرنە، جڤین ل کوچکا سەرۆکایەتیا کومارا تورکیا برەنگەکێ ڤەشارتی برێڤە چوو و بودەما ئێک دەمژمێر درێژبوو.
هەر ئێک ژ وەزیرێن دەرڤە مەولود چاوشئۆغلۆ، وەزیرێ بەرەڤانیکرنێ خولوسی ئاکار و هنارتیە هەردەم یێ تورکیا ل ناتۆیێ، بالیۆز باسات ئۆزتورک بەژداری د وێ جڤینێ دا کرن.
ل گۆڕەی مەدیایێن تورکیا پرسا ئاریشەیێن دناڤبەرا یۆنان و تورکیا و چەرێ ئازربایجان و ئەرمینیا تەوەرێن سەرەکی یێن وێ جڤینێ بون.
هەڤدەم ئیروو یەنس ستۆلتنبێرگ سکرتێرێ گشتیێ ناتۆ د کونگرەیەکێ ڕۆژنامەڤانی دا ڕاگەهاند، پێتڤیە تورکیا دەست ژ سیستەمێ مووشەکێن ئێس ٤٠٠ بەردەت و بەدیلەکێ پەیدابکەت، ب وی ڕەنگی مەترسیێ لسەر باڵافرخانێ دروست دکەت.
No comments:
Post a Comment