پرس بادینی
درەنگیا شەڤا دەربازبوی سەر رێکا دهوک بو زاخو شەرە تەقە دناڤبەرا وەلاتیەکێ و هێزێن ئەمنی دا دروست بویە و د ئەنجامدا مقەدمەک دگەل پولیسەکێ بریندار بون و ئەو وەلاتی ژی هاتیە کوشتن.
مەلا ماڵک پسمامێ وی کەسێ هاتی کوشتن ژ ئالیێ هێزێن ئەمنی ڤە بو پرس میدیا ڕاگەهاند، ل شەڤا دەربازبوی فەرهاد گولی ژ دهوکێ بەرەڤ زاخو دهات، هێزێن ئەمنی مەفرەزە دانابون بو هندێ کو دەستەسەر بکەن، لێ دیارە فەرهادی ڕەتکریە خوە ڕادەست بکەت و د ئەنجامدا شەرەتەقە دروست بویە و فەرهاد هاتیە کوشتن و دوو پولیس ژی بریندابونە.
مالکی خوەیا ژی کر، پێشتر ب چەند کەیسان فەرهاد هاتبو گازیکرن بو دادگەهێ لێ ناڤهاتی ئامادە نەبوو ل بەردەم دادگەهێ ئامادەبیت هەر ژ بەر وێ یەکێ هێزێن ئەمنی دڤیان دەستەسەر بکەن.
ئاماژە ب وێ یەکێ ژی کر، مالباتا فەرهادی نەرازیە و ئەو دخازن سکاڵایێ دژی ئەوان پولیسا تومار بکەن، ژبەرکو هەر چاوا بیا دڤیا دابانە دەستێ دادگەهێ نەکو ب کوژن.
No comments:
Post a Comment