پرس بادینی
پەڕلەمانتارەکێ عێراقێ ئاماژە ب بەلاڤبونا سوپایێ عێراقێ ل ناوچەیێن کوردستانێ دکەت، کو ئەو ناوچە د نهادا ژ ڕوویێ ئیداری ڤە سەر ب پارێزگەها دیالە ڤەیە.
ئەحمەد مەزهەر جبوری، ئەندامێ جڤاتا نوینەرێن عێراقێ د لێدوانەکا ڕۆژنامەڤانی دا ڕاگەهاند "هێزێن سوپای دەست ب بەلاڤبونێ ل دەوروبەرێ ناحیا قەرەتەپە و گوندێن نێزیک چیایێ حەمرین کرنە، کو د ڤان چەند مەهێن داویێ دا ژبەر لڤینێن گروپێن تیروریێن داعشێ ژ ئالیێ ئەمنی ڤە نەئارام بون"، ئەڤ بەلاڤبونە ژی وەکو پەیامەکا سوپای یە ژبوی نیشتەجێیێن وێ ناوچێ ژبوی رێگرتنێ ل دووبارە پێشیلکاریان.
وەزارەتا بەرەڤانیکرنێ ب رێکا لیوایا ٢٠ ل فرقەیا پێنج، دەست ب رێکاران کریە و ب گوتنا وی پەڕلەمانتاری ژی "ئەو ناوچەیە گەلەک گرنگن و پشتگوهـ ڤە هاڤێتنا وان دێ بیتە ئەگەرێ ڕاکرنا ب زوری یا نیشتەجێیێن وێ".
گوندێن شێخ بابا و خاسەی ئیسلاح ل نێزیک جەلەولا، د ماوەیێ ئەڤان چەند مەهێن داویێ دا چەند پێشیلکاریێن ئەمنی ب خوەڤە دیتنا، کو بونە ئەگەرێ کوشتن و بریندارکرنا گەلەک ژ وەلاتیێن وێ ناوچێ.
هەردوو ناحیێن قەرەتەپە و جەلەولا، وەکو ناوچەیێن کوردستانی یێن دەرڤەی ئیدارا هەرێما کوردستانێ دهێنە دانین و د نهادا ژ ڕوویێ ئیداری ڤە سەر ب پارێزگەها دیالاڤە نە.
No comments:
Post a Comment