پرس بادینی
ب سەدەما سڤکاتیکرنێ و دروستکرنا کاریکاتێرێ پێغەمبەرێ ئیسلامێ ل وەلاتێ فەرەنسا ل چەند رۆژێن بوریدا، چەندین نەرازیبون ب دوف خوەدا ئانین ل وەلاتێن جیهانێ و هەرێما کوردستانێ ژی دور نەبو ژ دەربرینا نەرازیبونێ، ژمارەیەکا پەڕلەمانتاران ب نوینەرایەتیا کۆمەکا پەڕلەمانتاران یاداشتەک ئاراستەی کونسۆلخانا فەرەنسا کرن و دلگرانیا خوە و خەلکێ کوردستانێ گەهاندن لسەر ئەوێ سڤکاتیێ و بێرێزیا بەرامبەر پێغەمبەرێ خودێ هاتی کرن، داخواز ژ کونسولێ فەرەنسا کریە بچیتە پەڕلەمانی.
عەبدولسەلام مەجید، سەرۆکێ فڕاکسیونا کۆمەڵ دەربارەی یاداشتێ ڕاگەهاند "ب نوینەرایەتیا زێدەتر ژ ٢٦ ئەندام پەڕلەمانا یاداشتەک ئاراستەی کونسولخانا فەرەنسا کر و مە دڵگرانیا خوە و خەلکێ کوردستانێ گەهاند لسەر ئەوێ سفکاتیێ و بێرێزیا بەرامبەر پێغەمبەرێ خودێ هاتی کرن، گوتنە مە فەڕەنسا بو مە گرنگە و د رابردوو دا هەڤکار و پشتەڤانا کوردان بوە، بەلێ ئەوا ڕووددەت بومە نەخوشە و نە دلگران دکەت".
دبێژیت ژی، ئەم دژی هەمی جورە توندڕەویەکێ نە ب هەر ناڤەکێ بیت و چ عەلمانی بیت یان ئیسلامی، مە تەکەز ژی ل وێ یەکێ کر پەیاما مە بگەهیتە بەرپرسێن فەرەنسا و ئەو ژی خوشحاڵبون ب ڤی ڕەنگی ئاریشەیان بەحس بکەن، هیڤیدارین ئەڤە دووبارە نەبیت.
No comments:
Post a Comment