پرس بادینی
وەزیرێ کارەبا هەرێمێ ڕاگەهاند، پێدانا کارەبێ ب کەرتێ تایبەت بو مەرەما باشترکرنا دەمژمێرێن پێدانا کارەبێ یە و کێمکرنا تێچویا لسەر حکومەتێ یە.
ئەڤروو سێ شەمبی، کەماڵ محەمەد وەزیرێ کارەبا هەرێمێ د کونفرانسەکێ ڕۆژنامەڤامی دا ڕاگەهاند، "ئارمانجا سەرەکی یا پێدانا کارەبێ ب کەرتێ تایبەت ب باشترکرنا ڕەوشا کارەبێ و زێدەکرنا دەمژمێرێن پێدانا کارەبێ و کێمکرنا تێچویێ لسەر حکومەتێ یە، کو دێ هەمان بها هەبیت دگەل کارەبا حکومی و گهورین ب سەر بهای دا ناهێت".
بەحسێ وێ یەکێ ژی کریە، "هەتا دوایێ ئێسال تەندەر دێ ئامادەبیت و دێ چیتە د بوارێ جێبەجێکرنێ دا، ٧٠% ستافێ حکومی دێ چیتە سەر ستافێ کەرتێ تایبەت".
ڕاگەهاندیە ژی "مەدڤێت وەلاتی بتنێ ئێک جار پارەیێ کریا کارەبێ بدەت نەوەکی نوکە پارەیێ کارەبا نشتیمانی و کارەبا موالیدا هەردوویان ددەه".
ئەڤە ژی د دەمەکێ دایە وەلاتی ب گومانن لسەر بهایێ کارەبێ پشتی بکەڤیتە ددەستێ کەرتێ تایبەت دا، ئایا بها دێ وەکی خو مینیت یان ژی دێ گرانتر بیت.
No comments:
Post a Comment