پرس بادینی
د جڤینا ئیروو یا ژورا ئوپەراسیونێن خوپاراستنێ دا بریار هاتیە دان و رێڤەبەرێن ناحیا و قایمقامێن قەزایا هاتنە ڕاسپاردن بو پێک ئانینا لژنێن چاڤدێریێ.
د.عەلی تەتەر پارێزگارێ دهوکێ د پرێس کونفرانسەکێ ڕۆژنامەڤانی دا ڕاگەهاند"ئیروو ژۆرا ئوپەراسیونێن خوپاراستن ژ ڤایرۆسێ کۆرۆنایێ ل پارێزگەها دهوکێ جڤیا و چەند بریارەک هاتنە دەرخستن".
د.عەلی تەتەر بەحس ل وێ یەکێ ژی کر، کو ئەوان قایمقام و رێڤەبەرێن ناحیا ڕاسپاردنە لژنەیان پێک بینن و سەرەدانا ڕێڤەبەریا و جهێن گشتی بکەن وەکی موڵ و مارکێت و هەر جهەکێ گشتیێ هەبیت، هەر کەسەکێ پابەندی ڕێکارێن خوپاراستنێ نەبیت سزا بدەن.
ئاماژە ب وێ یەکێ ژی کر، ئەوان داخواز ل ماموستایێن ئاینی کریە د مزگەفت و کەنیسە و پەرستگەهاندە خەلکی ئاگەهدار بکەن لسەر خوپاراستنێ، چونکە باشترین رێک ئەوە مروڤ ب خو خوە ب پارێزیت ژ ڤی ڤایروسێ کۆژەک.
ل دوایێ ژی گوت پرۆسا خواندنێ دەستپێکریە و مە داخواز ل ماموستایان کریە زێڕەباری کارێ خویێ پەروەردەی ئاموژگاریان ژی ل خواندەڤانان بکەن.
ئەڤە د دەمەکێ دایە، ڕۆژانە ل هەرێما کوردستانێ زێدەتری ٦٥٠ کەس توشی ڤایرۆسێ کۆرونایێ دبن و هەر دیسان جانێ خوە ژ دەست ددەن.
No comments:
Post a Comment